25-11-2007:同組mate入camp@梅窩 day 2

基本上凌晨五點幾鐘先瞓覺,結果係點?即是大家瞓到好晏o羅~我算係早起身o個個,10:00am左右就醒了…哈,輪流梳洗,乜都冇做,夠12:00noon就出camp啦~組mate們係梅窩食埋lunch先走,但我自己一個急急腳上船走先lu,因為有約﹗

今日下晝約o左day同埋阿乳去影畢業相~中學同學堆呀,不過係佬o個一堆,另一個叫法係「那西足球隊」o個堆,day同阿乳、祺佬、家榮舊陣時讀2B3B,我同昌仔、阿唐就讀2A3A,6B7B o既年代我又同阿乳、昌仔同班,form 4 o個年,我又同祺佬、家榮一齊去青島濟南交流團喎,而form 6做學生會時,昌仔同祺佬分別係內務同外務副主席,阿乳係我做康樂幹事o既partner…所以都熟o左好多年lu~

我o地去屯門市鎮公園影畢業相﹗呢個已經係慣例了~同佢o地呢班friend影親畢業相都係先影市鎮,再番陳瑞芝影o既,最近o個次咪係lun畢業o個陣o羅~

今日o既兩個主角﹗day同埋阿乳~兩個都係科大engine人,所以件袍一模一樣~

佢o地話要「青春」下喎~所以要背靠背係草地上面影﹗好靚呀~我用o左o黎做wallpaper~後來day同阿乳都係同一個草地上合照,但佢o地冇背靠背…如果唔係…太噁心了﹗

當然要番陳瑞芝影啦,我學校o個度地陷,所以大門口D樓梯級越來越多了,而家有15級啦~

一樓教員室對開o既「十週年廣場」~

今日就係有咁多個人一齊影了~祺佬、昌仔、阿唐、家榮、阿乳、我、day(上面開始數由左至右)~

學校都仲留有我o既輝煌成績o既證據o架~唔知會留到幾時呢?到郁下郁下D位,去到要丟掉我o個塊時,不如call我俾番我留念丫~

3:45pm要飛奔走lu~好忙碌呀﹗因為今日係聖堂34週年堂慶,4:00pm有彌撒,請o左陳志明副主教為我o地主持,夜晚仲有聚餐添呀~原本同爸媽我o地三個人去o架,但爸病o左去唔到,好在有day補上﹗

近年o既聚餐都係聖堂叫到會,係雨天操場度擺o左一圍圍咁,其實我鍾意咁樣多過去酒樓啦,熱鬧D、free D、收費又平D~

除o左食食食之外,當然仲有表演睇啦,有青苗歌詠團o既唱歌~

又有一位教友彈古箏,其實另外有一位男士表演吹笛子o架,但我冇影添~

神父都要粉墨登場﹗而且金神父不嬲都好用心預備o架~佢舊年o黎到我o地聖堂,過o既第一次堂慶,佢o個次唱o左張學友o既「愛是永恒」同埋韓文版o既「I Believe」(註:金神父係韓國人﹗)~今年佢預備o左新歌﹗竟然唱o左劉德華o既「如果有一天」,勁﹗同埋仲有一首韓文歌~

關神父都唔執輸,佢同陳副主教一齊唱~

熱鬧o既一晚

都好疲累呢~但完o左堂慶之後仲上o左家姐屋企去睇番錄起o左o既電視劇…10累

Comments

comments

在《25-11-2007:同組mate入camp@梅窩 day 2》中有 2 則留言

  1. 背對背張相又真係幾靚wor~
    地陷所以越來越多梯級?咁都得?
    我鄉下都有間廟,用石碑記底晒所有村裡面嘅人考到狀元呀~ 秀彩呀咁~ 同你學校都幾相似wor~ 叻女!
     
    [版主回覆12/13/2007 00:31:00]replied

  2. Re墨西:
    係呀~所以我揀o黎做wallpaper o羅~
    我都係入o左去讀先知會發生D咁o既事~
    好威水喎~狀元o個D勁過A-level啦~
    多謝讚賞~

發表迴響

你的電子郵件位址並不會被公開。 必要欄位標記為 *