中秋節o既diary，雖然遲o左兩日先到，都懶得詳細寫番啦，但睇少少相啦~

中秋節，如常咁番學，而且仲係最忙o既星期五，但因為下晝o既OPD跟o左KC，佢極速咁睇症，所以我四點半左右就可以離開醫院lu~去荃灣join埋爸媽架車番屋企，原來家姐都係度，佢o岩o岩去完馬鐵做o野~(講俾唔記得o既讀者聽，我家姐而家係KCR做o野嘛~負責馬鐵沿線o既物業~)

嬤嬤番o左o黎同我o地做節，佢如常地煮o左大量大量o既餸，以中秋節o黎講唔算特別澎湃o既，但事實上佢平時番o黎煮飯俾我o地食都係咁大排筵席﹗

食飽飽都唔係即刻出去賞月呀，媽同姐要追「鳳凰四重奏」o既大結局，所以要九點半先出門o羅，結果day都join唔到一齊去，佢去o左姑媽屋企做節，好晏先開始食，有D可惜呢~(但亦都係有D幸運…詳情見下文…)

出發lu，我o地今年諗住去「廸欣湖」o個邊賞月(哼哼﹗)，所以駕車出去o羅，好醒目咁駕番入屯門先上公路，因為知道今晚一定超多人去黃金海岸，遠離人群比較好﹗你睇下，對面行車線幾多車？

哎吔吔，結果入唔到去廸欣湖呀，原來佢同其他公園唔同，有開放時間o架，五點鐘就關門﹗唯有過門而不入啦~都去到呢頭咯，索性去東涌o個邊啦~免得白行一趟﹗

東薈城都有個好大o既廣場可以坐坐賞下月o既，我o地冇燈籠呀，亦冇帶o野食去，係去o個度間百佳(其實係高級版百佳–>TASTE﹗超開心﹗買到黃豆，番屋企可以整豆漿﹗)買o左D零食o羅~

月亮好圓好靚，但手太震，唔能夠捕捉到神髓呢~

結果留o左唔係太耐就番屋企lu~算啦，呢D都係命運…

Comments

comments