二零二三年九月三十日(星期六)
我的逸逸寶貝今日7歲了﹗
預備今次三日兩夜的生日之旅的時候，問過壽星女想去邊度食生日BUFFET，俾咗三個OPTIONS佢揀，分別係恆仔上次生日食的CAFE ON M (因為有COUPON)，同我地住的酒店地理位置比較方便的自助山 (逸逸好鍾意間餐廳可以轉)，以及迪士尼酒店翠樂庭。無諗過逸逸的首選係CAFE ON M，更加無諗過逸逸生日當晚竟然FULLY BOOKED，於是揀咗次選的迪士尼酒店翠樂庭，因為晚餐只剩下較晚的時段有位，所以選擇咗食LUNCH BUFFET。
我們BOOK了12時的LUNCH BUFFET，未夠鐘係酒店影下相先，今日特登要扮ELSA~
逸逸曾經嚟過翠樂庭食SET BREAKFAST，但係BUFFET就第一次，為咗俾個驚喜佢，我無話佢知會有迪士尼朋友會出現架~ 其實以前帶逸逸去過HOLLYWOOD HOTEL的米奇廚師餐廳食BUFFET，仲同米奇唐老鴨玩到癮晒添，不過個時只得3歲，應該乜都唔記得晒LU~
餐廳安排我們坐窗邊的位置，可以看到酒店的大花園，我們在這兒親眼目睹一隻雀仔肢解隻蝴蝶係度開大餐，好噁心。
依家已經係萬聖節主題佈置了~
食物選擇唔算好多，味道正常，不過奇妙處處通有節扣所以價錢也不貴。
可以自己出去拎飲品同埋拎糖，食物就未得，一係唔夠高，夠高既就有個連大人都嫌重嘅蓋，明明係CHILDREN CORNER嚟架嘛？可能目標係小朋友可以自己睇住嚟揀但要由大人動手？
預約時同職員講慶祝生日可以免費送一個生日牌，起初我以為得個牌要自己出去甜品枱揀甜品擺盤，點知原來上枱時已經整到靚靚仲有蠟燭，好驚喜呀~
職員唔單止幫我地影合照，仲幫手點蠟燭同埋一齊唱生日歌添~
跟住當然係來依間餐廳比食更重要的迪士尼朋友時間了，今日同我地影相的係米奇同埋PLUTO﹗
起初都係正正經經影相
米奇咁熱情嘅~就係為咗記錄依個咁可愛的MOMENT，我地又忍唔住掏腰包俾錢買相了，米奇你成功咗喇﹗
每一枱都正正經經影完相之後，米奇同PLUTO就開始周圍搵小朋友玩。
PLUTO捉住逸逸
仲唔知打算帶佢去邊添~
逸逸拎公公婆婆送的生日禮物小倉鼠芝士俾米奇睇。
同米奇互動都不忘望鏡頭的小傢伙
食飽飽係餐廳再影下相
又影下萬聖節佈置
本來諗住入園拎生日襟章、奇妙處處通生日禮物同埋等逸逸可以係美國小鎮大街的舖頭揀下生日禮物，點知FULL咗預約唔到，唯有係酒店的DISNEY STORE行下，最後揀咗近期好喜歡的奇妙仙子TINKERBELL公仔做生日禮物，之後我地就返屋企拎行李出發去酒店了。