剛於一個星期之前去完迪士尼玩左三日兩夜，喜愛吃BUFFET的恆仔又心思思想再去迪士尼食多次BUFFET，於是我們今次試試HOLLYWOOD HOTEL米奇廚師餐廳的LUNCH BUFFET。
自助午餐供應時間是12:00PM-4:15PM，我們預約了2:00PM，因為根據我們星期六的生活習慣，早上起來有點晚，外出吃早餐回家逸逸就會開始眼瞓，睡個早覺起來2:00PM吃午餐就差不多。
我們大約1:00PM出門，到埗後我們留在車上讓逸逸繼續睡，果然差不多2:00PM就醒來可以吃午餐了。
因為兩次吃自助餐的日子太接近的關係，同樣都是以HALLOWEEN做主題，午餐沒有龍蝦，款式也比較少，不過整體食物也不錯。
逸逸因為有咳，所以今次無得食雪糕，朱古力都只可以食兩粒，不過對於逸逸來說，這些一點也不重要，因為……
自助午餐有兩個迪士尼朋友輪流登場，分別是唐老鴨副廚師以及米奇廚師，跟晚餐時段一樣，每枱都有合照卡，每個迪士尼朋友各有一張，憑卡可排隊跟迪士尼朋友拍照。
一開始逸逸其實還是觀察型，對迪士尼朋友好奇但又有D驚，唔肯出去影合照。到1:15PM-1:35PM唐老鴨出場的時候，我帶逸逸去洗手間，經過唐老鴨時唐老鴨同佢玩GIVE ME FIVE，心情放鬆左少少，戒心亦感低左，不過我們由洗手間回來的時候唐老鴨已返回廚房。
2:45PM輪到米奇出場，逸逸終於肯出去排隊同米奇合照。
恆仔抱住影相還可以，但要同米奇接觸就好怕羞。
我同米奇講，上星期逸逸同米妮好FRIEND，仲俾相佢睇，職員即刻推波助攔話小朋友鍾意米妮唔鍾意米奇，結果激發起米奇的鬥心，努力地要和逸逸混熟。
由一開始LEE埋係我後面，到後來可以同米奇玩GIVE ME FIVE。
接住係握握手
終於可以攬攬同錫錫，米奇破冰大成功﹗
到米奇返廚房休息的時候，逸逸仲同米奇手拖手送到米奇返廚房添呀﹗
到唐老鴨出場喇，因為逸逸已經開始熱左身，唔駛好似米奇咁花咁多時間破冰。
不過唐老鴨明顯無米奇咁FRIENDLY，不過諗清楚角色設定都係咁。
起碼到唐老鴨返廚房休息時，職員問逸逸拖唔拖唐老鴨返去時，唐老鴨都無SAY NO。
米奇再次出場，要合照的已經差不多完成，所以多左小朋友出黎同米奇玩。
兩個小朋友係米奇身邊轉到米奇頭都暈
大家都玩得好開心，氣氛非常熱鬧，我真的要頒一個專業精神獎俾米奇，不過話時話，我覺得今日連職員都玩得好開心。
米奇打噴嚏之後將口水鼻水抹落逸逸個度，NO NO NO…..
小朋友一齊陪米奇返廚房，逸逸又再次愛上米奇了。
食完午餐，我地出去外面散下步。
玩下遊樂場
長大了一星期的逸逸，今次自己話要爬上去，雖然都要我幫手，但勇氣可嘉，叻叻﹗
瘋狂跑草草
跟住個姐姐跑到老遠……
不用一定要入住酒店，這樣吃一頓自助午餐，再在公園跑跑跳跳，也度過了一個美好的週六下午呢﹗