逸逸的迪士尼快樂生辰 – DAY 2 – HAPPY MORNING@香港迪士尼樂園酒店

二零二零年十月一日(星期四)

今天預約了8:45am吃早餐,所以也不能夠太晚起床。

沒想到昨晚還發出過黑色暴雨警告,今早卻看得見藍天白雲,正合我們繼續進行戶外活動,真好。

又走出來享用一下個露台先!

昨晚職員安排了我們在翠樂庭吃早餐,我猜因為疫情關係,翠樂庭暫時沒有做自助餐,全部都是在做單點菜單。

住宿包兩份早餐,Marking Price要$188一份,比我們上次在荷里活酒店影廠酒廊食再貴一截,所以還是不要亂花錢,三個人分享兩份早餐就好了。

我們點了中式早餐及西式早餐各一份。

中式早餐有粥、炒麵和點心

起初來錯了兩份中式早餐,後來才送回西式早餐,都係雞蛋、煙肉、火腿及腸仔個類食物。食的時候我已覺得點解中式和西式早餐的份量好似唔多平衡,再望望周圍其他人⋯⋯

原來佢送漏左麵包、乳酪和水果,即刻平衡返晒,仲夠晒我地一家三口食飽飽。

飲埋杯咖啡就Perfect了!

食完早餐仲有大把時間,回房間休息一下,突然收到前台的電話,查詢我們今早是否點了三份早餐,我回答只是點了兩份職員就抱歉地掛斷了線,看來是今早送錯早餐改單時出錯了。

上次四代同堂迪士尼之旅住探索家度假酒店,早上特地駕車過來香港迪士尼樂園酒店參加高飛師傅太極班,覺得很有趣,今次住在香港迪士尼樂園酒店咁方便,更加想去湊湊熱鬧,

一出房門就見到唐裝米奇,原來現在活動改咗名叫迪士尼朋友太極班,即係邊個迪士尼朋友都有機會出現喎!

不過因為要保持社交距離,就算賓客不算很多也與米奇隔得老遠,逸逸甚至要坐恆仔膊頭上面才看得到,感覺沒趣,看了一會兒就走了。

看活動資料介紹,Cinderella Ballroom有Disney Fun Fair活動,又既管去看看。

原來係一個以保持社交距離為目標的臨時兒童遊樂場。

首先去騎下馬仔,根據設計小朋友應該用腳踩下踩下馬仔就可以自己向前行。

不過連我去幫埋手都係搞唔掂,所以逸逸好快就無癮去玩第二樣。

起初我諗會唔會係逸逸太輕所以唔夠力?但後來有高小至初中年紀的又好似唔得,佢地又太重?要體重適中,定係馬仔壞壞地?

跟住去隔籬玩左一陣滑板車,又好快走。

直至遇上這架滑行車,就樂此不疲。

仲自己搬架車去起點再玩過

滑行車無限Loop完一輪之後,我們就回房執行李Check Out了。

Comments

comments

發表迴響

你的電子郵件位址並不會被公開。 必要欄位標記為 *