今年逸逸的中文課本其中一篇文章是講逛花市，加上疫情稍為放鬆，好想帶逸逸去感受一下。
我地去咗我都係第一次去的花墟年宵市場，以為係旺角好方便，原來落咗地鐵都行幾遠~
不過因為今年的花市繼續無熟食檔無乾貨，唔食下小食點算係逛年宵？好彩依度本身有個小食亭，可以食咗燒賣飲咗熱維他奶先入場。
逸逸，你課本上面所講的”萬紫千紅”咪就係咁囉~
要買風車都唔簡單，行到去花園街先買到，仲要唔係好多檔咋~
當年宵市場無乾貨攤以及小食亭，都要做晒所有嘢先至有年三十晚的氣氛！
今晚我地預約左尖沙嘴的海陸空食年夜飯。
坐低先請小朋友飲韓國版益力多，逸逸超級開心~
好澎湃的漢拿山燉牛排骨鍋~
仲有睇韓劇見得多的石鍋雞蛋羮
火鍋可以加點蔬菜刀削麵諗住俾逸逸食，點知個鍋湯底太辣，唯有厚住臉皮請店家幫忙係廚房煮熟佢~
加支韓國酒
一家三口食團年飯
飯後仲有超甜的士多啤梨送添呀~
返到屋企仲要貼揮春、放存盒、入利是同埋食湯丸，過了一個節目豐富的廿三十晚。