DAY 5 @ USA
今日冇得睇相啦~因為一張都冇影過~
一朝早起o左身七姨都係度，因為今日星期六，美國普遍星期六都唔駛番工﹗佢可以悠閒地同我一齊歎下早餐，見到佢已經開o左msn同七姨丈傾下計lu~又食o左蝦米腸、熱奶茶(三朝有係七姨屋企食o既早餐都係腸粉﹗七姨係公司附近買番o黎，我o地朝早叮番o黎食都仲好好味﹗
)﹗不斷地吱喳，到成差唔多九點半先上番樓執行李﹗(今晚開始係六姨屋企訓嘛~)我都費事執得靚靚，因為都唔係太多o野，總之塞晒入個喼度就算啦~快快脆脆﹗上o左一陣網，六姨丈就過o左o黎lu~
哇，去到六姨屋企，同佢吱喳o左一陣，就睇世界盃﹗餓o左好多日世界盃啦(係七姨屋企淨係會睇中文台之嘛，呢埋播緊同撈同煲、西廂奇緣同埋御用閒人﹗仲有無線新聞添o架~慢o左一日﹗但都覺得好好睇~佢o地o個度其他中國人仲會租帶睇，D劇仲新過香港﹗
)，不知不覺冇睇咁多日，原來已經去到淘汰賽﹗賽事變得越來越精彩﹗我坐埋個電視度已經下半場lu~但上半場o既比數二比零一直到下半場都冇再拉開過呢~德國隊晉身八強啦~yeah~(奇連士文年紀大o左仲有型﹗
靜靜坐係度時又似個秀氣o既男人，但又好有熱誠幹勁﹗完場後有播記招呀，原來佢D英文講得好好聽o架喎~)
原本話六姨丈同我出去食少少o野就去new jersey o既science centre，佢網上check過，雖而家science centre做緊維修，但應該都有一半展覽會開放，但去到…oops﹗成個都關門﹗
今日又落大雨喎，咁唯有決定去食完o野番o黎再睇埋第二場世界盃o羅~
六姨丈帶我去一間steak house，D style有D似outback o個種，半酒吧半餐廳，食D bar food，我o地去到時已經兩點半啦，今晚又plan o左去食自助餐，咁我o地兩個人淨係叫o左兩個appetizer，係炸蝦同bbq雞翼(大大份，加味道濃厚，感覺真的好美國人﹗)，有個麵包係送o既 (塗上D打成cream狀o既牛油都幾好味)，六姨丈又叫o左個洋葱湯俾我，哇，個洋葱湯上面鋪上一層之芝士，10個飽，飲完都食唔到幾多o野啦，結果o個兩個appetizer我都只係食o左四份一，另外o個四份三都係六姨丈食的﹗
番去咪睇阿根廷對墨西哥o羅，阿根廷雖然之前話都有D冠軍相，但今日表現真係麻麻地
，焦頭爛額仲要加時先入到八強，法定時間下半場都潰不成軍，係加時之前教練醒兩句個隊形先番番o黎﹗恐怕之後對德國都唔易打~
哇，一睇完波就超眼訓﹗(時差o既眼訓時段又到啦，日日都係五六點就好累了~)上去訓o左一覺﹗好鍾意六姨俾我訓o個間房有個天窗﹗
我最鍾意就係D房有好多窗，透風、光猛﹗聽朝可能就係天色(恐怕冇陽光了﹗)會叫醒我啦~
夜晚去o左new jersey(new jersey同new york state真係隔離，由staten island去new jersey仲快過去manhattan o個邊﹗)一間餐廳食自助餐，六姨個friend barbara同eddie都有一齊去，呢間自助餐上次六姨六姨丈都有帶過爸媽去o架，超多海鮮、刺身、壽司﹗而且一D都唔吝嗇，壽司有好多款不特只，連 三文魚子都有呀(係香港suppose係貴o野o黎家嘛~)~但壽司又唔可以食太多喎，好容易食飽o左又食唔落第D o野﹗呢個自助餐同香港普遍o既自助餐唔同o既地方係，佢著重D新鮮o既材料、海鮮o羅，而香港o個D多數都係靠精緻o既手工同廚藝，好多時都有好多靚靚 沙律同靚靚甜品，但呢度呢，呢兩方面都唔係好注重~但整體o黎講都好味o既~
今晚冇o架~沖完o左個涼，陣間check埋個e-mail就訓o架啦~聽朝會跟埋六姨番教會，係基督教o既中文教會~唔知會點呢？下晝都係跟住佢o地lu~所以我都未知道行程~
昨晚去了將軍澳富康花園招標既簡介會做presentation，所以回到家德國vs瑞典已去到上半場尾聲，我都睇唔到入波。不到德國既攻勢一浪接一浪，雖然無波入，但係都算一場好睇既球賽﹗ 本來一直話你過美國睇波會因為時差既關係會方便d，覺得美國既球迷無香港既球迷咁辛苦，但係諗深一層，係香港係半夜，所有要番工唔駛番工既人，有心睇既捱眼瞓既都一定睇到，但係反而係美國既話，平日踢既時間係番工時間，除非請假，否則仲無可能睇到現場直播﹗ 兩餐都食咁飽，又離變美女既目標遠了﹗
奔波了幾天，留點時間待在室內，也好，起碼肉體上不那麼疲累！ 看看世界杯，好像感覺上和其他人的距離拉近了。昨天吳群英嫁女，晚上去港島那邊飲，跟曾執事一起坐，談起世界杯，他就興奮起來。想想不同地域的人，各自在自己的時區內看直播，雖然是你在白天，我在深夜，但想想彼此各處一方，卻一齊叫喊，一同慨嘆，都幾有趣。
今早我都食了腸粉呢 世界盃我都只是看重播~ 不過好處是不用等便有精彩鏡頭~ 這兩天天氣超熱~!! 下雨會涼d~ 但又會不便外出游泳
Re家姐: 點解又做多次presentation o既？上次唔係做過呢咩？ 唔﹗o個場波都算好睇啦~但之後o個場阿根廷就認真麻麻~兩隊都發揮唔到~一堆人追住個波，一D都唔專業~ 我都發覺我睇波唔方便添~日頭要出去玩嘛，咁遠o黎到美國，竟然留係間屋度睇世界盃好似唔係好o岩咁~香港都有得睇啦~番工o既就要睇下咩人lu~D美國 人本身冇乜興趣睇soccer，多數睇世界盃都係D移民(六姨丈講的﹗)~六姨丈間公司就犀利咯~因為係瑞士公司，咁瑞士今屆又入到決賽週–>十 六強，高興嘛，公司有電視俾員工番工時一邊睇一邊做o野﹗(有冇搞錯？﹗) 今日lunch同dinner都係六姨屋企食，又變番美女了﹗
Re爹爹: 總算休息一下都好丫~ 睇下講下世界盃都真係多好多話題o架，我尋日同六姨丈傾o既計，多過由我出世到前日o既總和﹗in general，男人都係鍾意講體育﹗(我個爸同day除外﹗<–又好似推翻了我o岩o岩講o既論點添~)
Re day: 但期待住精彩鏡頭都係睇波o既重要部份啊﹗ 我都係度睇到中文天氣報告，話早兩日掛o左今年o既第一個酷熱天氣警告嘛~hee，你又唔肯去仁愛堂游﹗(講o左好多好多年…)