一早時已經講好會同day o既同事們一齊join tour去參觀大峽谷，由Las Vegas出發o既大峽谷tour有好多，初時我諗住參加飛機+巴士tour o架，即是既可以由飛機高處俯瞰大峽谷，即可以坐巴士停低south rim啲景點，可以用對腳去行下感受下~不過一來價錢相對地比較貴啦(US$200 vs US$80)，而且大家又有啲擔心氣流問題，結果大家決定參加巴士tour了~其實由Las Vegas出發都叫做「穿州過省」，因為LV為於Nevada州，而Grand Canyon呢就係Arizona州~搭車單程都要五個鐘﹗

代價嘛…雖然有酒店pick up，而且我哋係pick up尾站，但我哋集合時間係清晨5:50am﹗即使係咁，我哋依然要食一份熱辣辣o既早餐先去集合，打聽好了，酒店o既麥當勞開5:00am﹗所以我哋未夠5:00am就起咗身啦~老實講，先前嗰晚睇「O」搞到咁夜，確實未好好咁休息過…anyway，搭車咁多時間，大把機會瞓覺啦~

pick up大家o既旅遊巴停係大概係Las Vegas o既邊緣，大家係一個地方再集合，食個早餐，少少登記咁，再轉上正式接載我哋成日o既雙層豪華巴士~都幾新淨舒服o既，唯一唔太妥當o既係嗰排坐椅會「碌」，即是開車、煞車時會最明顯，行緊高速公路時又唔係好覺o既…

因為懶係坐巴士可以睇多樣嘢咁…我哋開咗車一個鐘左右，就去到第一個景點—-Hoover Dam~睇水壩﹗

呢度又正值係兩個州道路上o既交界，我哋都係呢個路牌影張大合照﹗自拍王出動咯~

Hoover Dam~呢個水壩好似都冇乜特別咁，anyway，大家可以落車鬆鬆筋骨，休息一下都唔錯~

因為巴士太長途了…所以有電視添~佢不斷咁播啲電影o既DVD，雖然冇字幕…但我哋都充份咁感受到係一啲…爛片﹗真係oh no no~day俾啲爛片搞到好唔暢快，我就唔同呢，照瞓覺﹗唔理佢﹗我都不知係呢程車補充到幾多睡眠呀~

下一個stop就係麥當勞﹗來回都有停呀，大家可以去廁所、買下啲refreshment﹗我哋係嚴寒o既天氣之下都買咗杯熱朱古力嚟飲，呢度啲「small」size都好大杯﹗仲買咗香港麥當勞冇o既cookies~都幾好~

沿路o既景色其實都豐富多變，又有平原、又有樹林、又有沙漠咁…呢個area天氣比較凍吧，之前o既積雪都仲未融呢~

我哋研究咗一陣，究竟嗰兩舊雲係真定假o既呢？萬里無雲o既情況之下，點解寧寧舍舍有舊咁o既雲？﹗係咪海市蜃樓？﹗古怪古怪~

到真正去到大峽谷o既第一站了﹗團友們可以選擇睇關於大峽谷o既IMAX電影，我哋嫌US$12太貴，所以決定係附近逛逛，慢慢食埋個lunch~

呢個lunch係團費包埋的，有pizza hut o既pizza揀喎，好似幾好咁，但我o既結論係，呢間嘢如果唔係有旅行團撐佢，咁o既質素真係唔知點生存…啲食物又凍又硬，雞肉三文治o既雞肉一咬就尤如粉狀o既散開，紙杯載住熱茶又甩色…真係好得人驚﹗我哋都係求其食咗啲嘢就算數了，都冇話享唔享受個過程…

呢度其實亦係National Geographic o既visitor centre，入面有少少關於大峽谷自然生態o既展覽咁啦~又有大紀念品店~

天氣好凍呀﹗0.73度咋~

我哋寫咗張postcard返香港~不過我哋結果都係人早到過postcard呢…

係第一站都停咗一個鐘鬆啲，上車行冇幾耐就去到第二個stop了，又係可以停一個幾鐘，都唔錯~

哇，有大峽谷國家公園o既大招牌﹗

去到lu去到lu~~~~~~~~~~~~~~~~

哇，壯闊廣大o既大峽谷﹗感受到人o既渺小呢…

要跳一跳先~yo~

企高高的係舊大石度影~

我哋係其中一間紀念品店度整咗用penny嚟壓o既紀念幣呀﹗之後出番去其他地方我哋都仲有整多幾個呢啲penny紀念幣添呢~呢度我哋揀咗一個印第安圖形的﹗

除咗大多數人會即日來回大峽谷之外，另一個選擇就係係度住一晚喇﹗south rim都有好多cottage小屋俾大家住，雖然環境唔係話好靚好靚咁，但可以欣賞埋大峽谷一日唔同時間o既美呢~有多啲時間o既話都係一個選擇﹗

有好多烏鴉，仲要係肥鴉呢~

我哋停低三個stop之後就回程lu，回程時大家都攰啦，瞓下、休息下咁~

返去時天黑啦~我哋抵達Circus Circus酒店時已經九點幾十點﹗因為都飽飽滯滯咁，我同day落咗去酒店地下o既pub度食咗啲snacks就算數lu~

去完之後，你話巴士tour好定飛機tour好？我都唔知呀﹗但我可以講o既係，今次o既experience同當年小學時代同爸媽嚟嗰陣唔一樣啦，嗰時淨係坐住小型飛機係天空度望落嚟，今次真係可以去到大峽谷o既rim度望過去喎~幾好幾好﹗

待續

前往其他美國旅遊blog

Comments

comments