10-3-2015:懷孕扎記33w3d.we are ready之Bebemo環保尿布

之前講過嘅,要逐樣介紹下我哋為BB呱預備嘅各樣用品(請參閱:1-2-2015:懷孕扎記28w1d.興奮買買買@BB春季購物節),就由尿布開始先啦~

我哋八十後細細個其實大多數都係著尿布長大㗎啦,尿布都唔係咩遠古時代嘅事,做到的話我都想BB呱著尿布,一來地球少啲垃圾啦,二來布嘅質感接觸屁股點都舒服過紙尿片吧,三來都應該慳到啲$$添~所以我都開始物色一下尿布嘅款式,係網上商店首先見到就係呢個Bebemo環保尿布,不過上網唔係好睇到detail~另外係Mides見到都有出尿布,Mides嗰款比較傳統,都係一大塊布摺成尿布形,再包一塊防滲片片係外面,工夫多少少~知道Bebemo係BB展有擺booth梗係要去睇下實物啦~

螢幕快照 2015-02-02 下午3.46.49

了解之後就買咗一套了﹗

螢幕快照 2015-02-12 上午11.32.59

首先係尿布本身~裡面嗰層濕咗水都可以保持乾爽,外面嗰層就防滲~

螢幕快照 2015-02-12 上午11.33.03

而片芯就好似一條厚質地毛巾咁,用法係墊係尿布個pocket入面~sales姐姐話,開細的話就只需要換片芯,開大就要換晒尿布片芯了﹗所以一個套裝預咗六條尿布,十八條片芯,片芯分兩日用,每日用九條,晚上洗咗預隔多一日乾咗又可以用了~計劃永遠都完美的,但實行係點都要用落至報告得到丫﹗

adjustable size

至於尿布上面嘅啪啪鈕係用嚟調節size㗎,所以一個size可以由滿月著到兩歲~點解頭一個月唔著尿布住呢?主要原因係初生baby便便次數太多,多多條尿布片芯都洗唔切,而有得一兩個月大後次數會減少,所以佢哋都recommend遲少少至開始用~我諗都好嘅,BB啱啱出世時太多嘢要適應,仲要加埋洗尿布就壓力更大啦~而家咁樣可以遲少少至適應﹗

螢幕快照 2015-02-12 上午11.33.08

所以成個尿布套裝都幾多東東㗎~希望到時我堅持到+BB喜歡啦﹗上面第一張相咪見到有啲一卷卷一疊疊嘅東東嘅?嗰啲就係出街用品,因為出街時如果啲污糟片要儲埋袋番屋企就論盡啲咯,仲可能散發味道出來添,所以都係要用啲即棄用品啦~出街時可以用即棄嘅片芯取代可洗嗰種,墊係尿布嘅內側而唔放入pocket入面~另外仲有隔便紙,墊一張係尿布內側,咁便便唔會直接沾係尿布上面就容易啲洗囉~

聽落就好似幾好咁,不過要用落至知好唔好囉,希望BB出世之後我唔會忙到打唔到blog blog啦,大家要留意我遲啲寫嘅用後感丫~

前往其他懷孕扎記blog

Comments

comments

4 關於 “10-3-2015:懷孕扎記33w3d.we are ready之Bebemo環保尿布” 的評論

    • 我想打一篇用後感嘅blog好耐,一直未的起心機打,而家簡單答咗你先啦~

      其實最適合用係bb啱啱轉大碼片嘅時候,因為太細個時個pat pat太細容易漏,特別係母乳bb啲屎較稀,好容易漏屎,但bb 6m加固後屎屎會比較實淨,就冇咁容易爆屎~另外,因為要將片殻(我咁樣形容,以分辨「片芯」)摺疊先可以變成細碼/中碼,咁條片就會好厚,比較難分辨細b有冇疴尿,同埋疴得多唔多~

      去到大碼size(睇下你隻b有幾大啦,我女應該係接近一歲時轉用大碼,可能10-11m左右?唔記得了),片殻就唔駛摺疊,就咁啪扭就ok,但到咗一歲半打後,啲尿又太大督,只用一塊片芯會爆尿片,所以要一次墊兩塊片芯,咁又變得好厚,不過我女又ok,而家去到25m佢都唔會揀擇用紙尿片定布片~

      我唔知有冇其他牌子比較好用,不過我就覺得呢隻有優點有缺點啦,用起上嚟並唔係銷售時咁完美,既然買咗又可以用咁囉~我其實係阿女滿月後試過一兩次,漏幾次又放棄咗,到大多幾個月又試下,用幾次又放棄咗,後來我個friend個b出世(佢細我個女7個月),我個friend好堅持咁用到尿布,我又拎番出嚟試,咁我女已經超過一歲,就用得好順了,不過嘛,去街都係唔太practical,所以我哋都係屋企用布片,去街用紙尿片~

發表迴響

你的電子郵件位址並不會被公開。 必要欄位標記為 *