又到咗檢查嘅日子﹗﹗嚟到33週了~仲有七個星期就到預產期,即是仲有四個星期BB呱就足月可以出世啦~好快好快﹗好期待呢~
血壓、小便都正常,體重方面都算過得去啦,三星期前68.5kg,今日69.5kg,而家嘅週數理論上應該每星期一磅左右,而家希望慳番之前肥定咗嗰啲磅數,啲磅去BB度好了,我嘅就分少少得啦~我哋睇下今日嘅BB呱啦~
頭仔﹗超聲波相上面顯示嘅週數係頭圍,S醫生話直徑其實比起頭圍有代表性,直徑係完美嘅33週的﹗
仲有腿長都ok~不過plot落graph度睇就更有意思了,記得睇到尾丫﹗
除咗度BB呱嘅「三圍」睇下生長之外,我哋都一齊由頭睇到腳一次~見唔見到虎爪拳?不過今次最impressive嘅係睇佢嘅樣貌~S醫生locate咗兩個眼框、鼻骨俾我哋睇,推後少少就係嘴仔了,佢話BB呱個嘴唇厚啲喎﹗哈哈~唔係孖潤腸吧?﹗希望係同我一樣嘅熱情厚嘴唇啦~(原來似媽媽個樣⋯暗笑中~)原來平時睇個嘴嘴係兩條幼線,但BB呱個嘴係兩條粗線,大概就係鉛筆同蠟筆畫出嚟嘅分別吧?
個graph plot出嚟同之前都好consistent丫﹗頭仔一直都along 50 percentile,肚圍同腿長都比較大少少,relatively好似真係好長腿喎~今日用算式計出嚟嘅估計體重係2.26kg﹗都有啲手感啦~
長腿?厚嘴唇?-->好似變成性感美女添﹗如果search呢幾個關鍵詞,會出現⋯
wow~
似乎以我哋嘅gene嚟講應該冇可能製造出呢啲性感尤物﹗﹗哈哈~想像下啫~
BB呱要繼續健康豬豬成長啊﹗媽咪錫錫~
前往其他懷孕扎記blog
今天35週~ 已變回正常腿了!!!
可能出世時… 變做短腿!!
唔係呀,要睇番亞洲人growth chart,你再click去睇35w0d blog blog啦~
雖然短腿⋯預咗係佢嘅命運,不過個長腿夢希望發得耐啲~:p