5-2-2015:懷孕扎記28w5d.這個冬天不太冷:)

好耐以前已經聽過話大肚婆怕熱/唔怕凍,我之前1st同2nd trimester都唔係太覺,點解都仲係咁怕凍呢?﹗早個幾兩個月前我仲專登為咗膨脹中嘅肚子買咗件新大褸,以便平時著開嘅羽絨扣唔到拉鍊時都有件褸可以保暖~點知到咗3rd trimester就感受到唔怕凍呢件事了﹗

warncold

尋晚天文台掛上寒冷天氣警告時,我忍唔住話:「點解而家啲寒冷天氣警告咁隨便嘅?以前啲警告係真係好凍㗎喎~」哈,如果仔細望望周圍嘅人嘅衣著,開始發覺唔搭調,點解周圍嘅人著咁多衫嘅?﹗明明唔係好凍啫,做乜個個都著晒羽絨嘅?﹗仔細諗諗最近呢一兩個星期,發覺自己真係唔怕凍咗好多,而家13-14度著緊嘅係往陣時17-18度嘅衫,17-18度時著緊嘅係平時20-21度著嘅衫﹗勁﹗而冬天瞓覺時不嬲我都好著緊張羊絨被要全面覆蓋我頸以下嘅每一吋肌膚,而家可以豪俾老公,蓋被方法同夏天開冷氣時差不多,手臂同腳可以露出來,蓋住心口同肚子就ok了~真係前所未見﹗不嬲唔怕凍嘅老公,偏偏而家成日都話屋企凍話要關上窗,結果臨瞓覺之前俾我開番晒~:p暖風機嘅使用率比往年低,而家只係沖涼時會開,其他時間都唔駛開了~絨絨晨褸亦相對著少咗~

科學上係因為大肚婆新陳代謝快咗,增加多啲熱量,所以唔怕凍﹗中醫話孕婦體質「熱」啲~但我諗到係我同BB呱24小時彼此擁抱住一齊,咁係咪sweet啲、warm啲呀?

前往其他懷孕扎記blog

Comments

comments

1 關於 “5-2-2015:懷孕扎記28w5d.這個冬天不太冷:)” 的評論

  1. 變態阿媽又自己re自己篇blog,係呀,而家攬住曉都會好溫暖㗎~有時爸爸唔記得帶件外套,出到去發覺凍凍地,我哋嘅solution都係--攬住曉咪得囉﹗

發表迴響

你的電子郵件位址並不會被公開。 必要欄位標記為 *