2-2-2015:懷孕扎記28w2d.家居改造工程

其實一早已經知道BB呱來臨要預備多好多空間,除咗一諗就諗到嘅大件新傢俬,好似BB床、BB車、high chair等等之外,仲會多咗好多各種用具,所以早於踏入2nd trimester時我哋已經決心大執屋(16-11-2014:懷孕扎記17w1d.超級大掃除)~但去完BB展之後,發現之前預留嘅空間似乎都唔係太夠,我哋要再諗諗計⋯唔唔⋯如果冇咗座地晾衫架、冇咗安樂椅,客廳應該可以再增大﹗﹗於是我哋諗到向高空發展~螢幕快照 2015-02-04 上午11.04.16

落樓下實惠逛逛,買咗呢支伸縮桿,我哋撐係置物房可以晾衫,咁就可以remove個座地晾衫架啦~不過安裝呢支嘢都有啲困難,因為為咗要可以伸長至280cm、承受60kg重量,佢本身都重重地,加上我哋唔想影響出入房間的話就要有咁高安裝咁高,加油呀老公﹗唔可以爬高嘅大肚婆結果用新買嘅晾衫竹嚟幫手撐高,我都有啲幫到手㗎~螢幕快照 2015-02-04 上午11.04.21

完成﹗我哋將衣櫃入面較重嘅衣物試下掛上去,睇下係咪真係承受到重量,又ok喎,掛咗overnight都未跌落嚟,呢個計劃應該work﹗到第二晚我哋就正式試下晾衫啦~雖然細房都叫做有大隻窗,但未正式經過測試,都未知衣物乾嘅速度比起以前放係廳嘅座地晾衫架如何,如果乾得慢就麻煩了~不過另一方面嘅優點係,即使要開抽濕機,而家會方便啲了,直接關門直接開機又ok,唔駛之前咁將個晾衫架拖出拖入~

螢幕快照 2015-02-04 上午11.04.25

去實惠仲買咗其他嘢﹗之前不嬲我鍾意冇蓋垃圾桶,day鍾意有蓋,我覺得煮飯時冇蓋方便啲嘛,批皮切走廚餘甚麼都可以直接落垃圾桶,而且垃圾有味道就會提醒去倒垃圾(可能更清潔衛生嘅讀者係會日日倒垃圾的⋯:p),同埋要清洗垃圾桶又容易啲,所以我哋一向用開嘅係右邊呢個垃圾桶~但今次我主動話不如換番個有蓋垃圾桶啦,因為諗到第時BB有啲有屎屎尿尿嘅垃圾,好似都係要蓋住喎~呢個幾好,有踩腳踏打開嘅「大蓋」,大蓋之上有個可以手動長開嘅「小蓋」,咁我煮飯時就照可以長開個蓋啦,good~

螢幕快照 2015-02-04 上午11.04.29

呢個櫃就上次買㗎啦,係BB呱嘅專用櫃﹗我哋兩個用開嘅櫃都逼到爆,佢小小人仔可以自己擁有一個櫃﹗陸續買咗東東,又有親戚朋友送嘅衫仔,而家個櫃慢慢充實了~

隔個星期拎埋BB床同high chair搖床返嚟,個屋企就漸漸進入「BB預備mode」啦~我個list又tick多幾項了~

前往其他懷孕扎記blog

Comments

comments

4 關於 “2-2-2015:懷孕扎記28w2d.家居改造工程” 的評論

    • 要徹底執執執﹗要騰空地方放啲新東東~仲要令屋企容易啲打掃,有個小B係度總唔可以覆蓋住塵吧~

發表迴響

你的電子郵件位址並不會被公開。 必要欄位標記為 *