1-2-2015:懷孕扎記28w1d.興奮買買買@BB春季購物節

呢個日子我期待咗好耐啦,因為唔知道係咪真係平好多,同埋可能有啲特別吸引嘅新產品,所以我哋都等到BB展先至大手筆咁出手﹗﹗其實之前都逛過唔少嬰兒用品店,而自己亦draft咗一個list(講起呢件事時day就會哼:「She’s making a list and checking it twice⋯啦啦啦」請想像配番Santa Claus is coming to Town嘅音樂,不過原本「He」嘅聖誕老人變成「She」嘅我啫~:p),對於要買啲乜、各樣東東嘅價錢大概係點心裡都有個譜,不過係未付諸實行啫~三日嘅展期之中,我哋2月1日上午考完韓文考試後、晚上胡氏團年飯之前,我哋兩個就衝去會展--殺呀~~~~螢幕快照 2015-02-02 下午3.47.04

由灣仔落地鐵,都未去到會展已經有濃濃嘅BB展氣氛﹗平時行過去會展條天橋雖然都有好多人派傳單,但未至於清一色全部都係關於嬰兒用品、幼兒教育、各種家長需要嘅服務~我拎拎拎都未睇呢~螢幕快照 2015-02-02 下午3.46.42

入場每位$25,好似之前上網見到買3送一嘅優惠,不過我哋都冇約人一齊去,anyway,即使買唔到幾多嘢,入去見識下都值得嘅~買門票可以用$10買coupon book,雖然唔知有冇用,都係買咗一本至算啦,費事入到去要拍大脾哎吔又歎息~買coupon book送一包濕紙巾,都叫值回半票價先啦~螢幕快照 2015-02-02 下午3.46.39

果然馬上就用得著coupon book了,至要係Facebook page度like咗荷花個page就送呢個鼻爽貼同鈣片試用裝啦~我哋一見鼻爽貼就話啱晒我,因為我呢排真係勁鼻塞,試下幫唔幫到~不過返到嚟屋企仔細睇先發現同我想像中有偏差,原來唔係貼係鼻上面暢通氣道嗰種,易明啲講其實係香薰貼,有啲比較通鼻作用嘅香薰油係個貼上面,將個貼貼係心口衣服上面就等你聞到通鼻,其實原理同細個時搽嘅維克司薄荷膏差不多~其實排同一條隊仲可以like美贊臣嘅WeChat就有濕紙巾,但我又費事為咗包濕紙巾專登download個WeChat,所以就此作罷咯~

BB展人山人海,不過未至於書展同美食展咁誇張,起碼可以向前行又睇到兩邊嘅booth嘅展品,未至於逼行花市or逼到冇心情,所以都ok,而且我對於買嘅嘢又非常期待,可能心情都有啲關係吧~因為其他入場嘅顧客之中又多大肚婆又拖男帶女好多小baby,大家都行得好小心又好溫柔,人多而引起嘅碰撞or口角基本上係零~

以下講下我哋有咩收獲啦,不過要詳細講每樣嘅detail都唔少,我之後嘅blog blog再從中挑選詳細講啦~螢幕快照 2015-02-02 下午3.46.47

我哋嘅第一樣收穫係紗布毛巾﹗其實三年前結婚時收到嘅禮物之中有唔少大毛巾,仲有好幾條都全新未開,原本諗住俾BB做浴巾就好,但又見到市面上有BB浴巾,究竟有咩分別?不過上次去美素佳兒講座姑娘提到紗布浴巾,好處係吸水得嚟又快乾,用嚟包住BB都柔軟舒適,當時留下印象~今次摸上手果然都幾舒服,買咗兩條﹗返嚟睇番我之前睇過嘅網店原來都有得賣同一件貨品,我哋每張平咗大約$10呢,正﹗好在呢個拎起嚟都唔太重~螢幕快照 2015-02-02 下午3.46.54

之後就係幾項大手筆了﹗最誇張(主要係最bulky同埋最重)係奶泵套裝~事前同day睇過大家常用嘅幾款奶泵,好多人推薦嘅Medela、令人有信心嘅Philips旗下嘅Avent、同埋近年開始hit嘅Tommee tippee,開頭屬意Avent㗎,雖然Medela有好多身邊嘅人話好,主要係泵得快,電雙泵的話20分鐘搞掂,但我上網睇片覺得組件好多,怕自己每次拆開清洗消毒之後再組裝會好麻煩,所以就鍾意Avent夠簡單,Tommee tippee印象反而唔係太深刻,但感覺個奶樽乳房像真度咁高都好有好感~今次BB展我哋首先行到Tommee tippee個booth,個promotor姐姐非常熟書,介紹得好清楚之餘又令人有好感,所以我哋買咗「New Mother Starter Set」,套裝包奶泵+6個奶樽+奶瓶消毒器+暖奶器+乳墊+奶樽刷,我哋再upgrade手泵做電泵同埋upgrade膠奶樽做玻璃奶樽,另外加配冰袋冰種同埋儲奶瓶蓋子,佢再送多個手攜式暖奶器+利是封,全部東東$2000有找,真係好抵丫﹗﹗詳細用後感大家期待我將來嘅blog blog咯~

令我哋驚訝嘅係,當買完兩大袋Tommee tippee興致勃勃,諗住去一旁空地執一執啲嘢時,抬頭嘅另一邊居然就係Avent個booth,要怪只能夠怪佢唔好彩了~埋去一望,Avent又真係貴過Tommee tippee嘅~邊樣好用啲就真係唔知道咯~螢幕快照 2015-02-02 下午3.46.44

另外我哋見到之前係一田睇中咗嗰架BB車,平咗好幾百蚊,另外啲BB床仔同high chair連搖搖床都好抵買,不過要做荷花VIP先有優惠,即使要俾$150入會都仲係抵咗幾百蚊﹗go ahead﹗﹗入會有好多禮物啦,其實當中最值錢嘅應該係罐惠氏媽媽奶粉,但我哋一來挽住兩袋Tommee tippee已經行拎唔掂,二來上次惠氏媽媽免費送上門嗰罐我都未飲完,實在對我嚟講唔太適合,雖然佢俾咗鈣片+濕紙巾做代替好似好唔抵,總好過拎咁大罐又唔啱用嘅奶粉返屋企啦~

螢幕快照 2015-02-02 下午3.55.21

車仔就要即日拎番屋企了,車仔遲啲再介紹﹗另外嘅BB床連床褥同埋high chair搖搖床就要隔個星期去門市領取,遲啲再post俾大家睇~三樣都買得好滿意+抵買丫﹗螢幕快照 2015-02-02 下午3.46.49

去展覽睇住地圖專登去搵一間公司嘅booth我真係好少會咁做,但今次專誠去搵bebemo就係第一次﹗本來已經想俾BB用尿布instead of紙尿片,雖然尿布係淘寶有多如恒河星數嘅產品,但呢啲咁貼身嘅東東都係唔放心淘寶,係番香港買穩陣啲﹗之前有去Mides門市睇過佢哋嘅尿布,係包片裡面要放入自己逐次摺疊嘅傳統方形尿布,雖然質地好好,但感覺唔太方便~而網上見過呢個香港品牌bebemo,純睇外表,Mides係「Muji」咁樸實無華的話,bebemo嘅片片就好似「FrancFranc」咁多彩亮麗,但上網唔多bebemo嘅details,知道佢哋有擺booth我一定要去聽下講解,比較之下--bebemo勝﹗我遲啲嘅blog再同大家詳細介紹丫~

其實仲有一樣我好想買㗎,就係Karibu嘅摺疊浴盆連浴網,係會場平好多呢,顏色選擇又齊全,但買得太多真係拎唔掂,唯有遲啲貴啲啲再係外面買啦~螢幕快照 2015-02-02 下午3.46.17

滿載而歸﹗﹗係車仔主人BB呱坐架BB車之前,要先徵用做購物車丫﹗

螢幕快照 2015-02-02 下午3.46.29

同一晚仲係胡氏家族食團年飯嘅日子,今年有啲特別,除咗我大緊肚之外,表嫂(左)同表姐(右)都係preg緊,而且三個B嘅預產期仲係20日之內添﹗雖然而家表嫂B係大表姐,表姐B係小表弟,但未到期都未知邊個會出世先丫﹗﹗仲有機會同年同月同日生添~年齡咁相近,第時大家出咗世唔好只係一年見三幾次啦,不如多啲一齊出嚟玩啦~

gift socks

另外又收到堂家姐送嘅禮物呢,係可愛嘅襪仔丫﹗謝謝~:D

荷花集團2015「BB春季購物節」暨「兒童成長教育展」網站:

http://www.eugenegroup.com.hk/expo/201502/index_info.php

Tommee tippee哺乳用品網站(英國主場版):

http://www.tommeetippee.co.uk/

Bebemo環保尿布網站:

https://www.facebook.com/BebemoBaby

前往其他懷孕扎記blog

Comments

comments

在《1-2-2015:懷孕扎記28w1d.興奮買買買@BB春季購物節》中有 4 則留言

    • 淨係BB車都平咗$600,床仔都平咗好幾百,呢兩樣已經值回票價﹗但張high chair搖床而家係街上啲BB用品店好似唔係好覺有得賣?

    • 現在回覆可能遲了少少,好像$23xx?太耐之前我都記得不是很清楚了~

發表迴響

你的電子郵件位址並不會被公開。 必要欄位標記為 *