先祝各位新年快樂﹗來年身體健康、心想事成﹗M08 o既同學仔final一take勁過﹗

年初一，天氣太凍了，往年都會去行行大運，但今年起身就直接去聖堂望彌撒啦~

聖堂o既大大大桃花~

仲有可愛o既鼠鼠賀年裝飾~

我o地聖堂有聖匠會o既兄弟擔任醒獅隊o架，所以彌撒o既進堂時冇進堂詠，取而代之o既係由大鑼大鼓+醒獅進堂，好熱鬧~唔知其他堂區會唔會係咁呢？年初一都算特別日子，所以除o左有阿爺(黎神父)主祭之外，堂區所有神父+執事都一齊共祭，第一次係彌撒中見到新o黎o既葉神父，佢身材好高大呢，而且聲若洪鐘呀﹗感恩祭時冇較高個咪佢把聲都入晒咪﹗

彌撒完o左都要趕番去lu，為o左就要番工o既恒仔姐夫，所以提早食飯~

嘩，歷史性o既一刻，家姐姐夫第一次派利是俾我﹗

下晝去婆婆屋企拜年~媽咪有八兄弟姊妹，排行六、七、八o既阿姨同佢o地o既家人都唔係香港，菊姨又出o左去帶團，所以今日只有大姨一家、三姨媽一家、我o地一家、同埋舅父舅母~

我o地最早到，婆婆打開晒D全盒呀、小食呀俾我o地jap jap jap，見到o個樽蝦片嘛？勁好味﹗我o地去到時係裝到滿o架，俾我同爸、姐jap到得番細半樽﹗舅母o黎又jap jap jap，哇，清光光﹗好食到停唔到口~後來婆婆見我o地鍾意食，俾o左一包未炸o既我o地呀~

婆婆o既相片集珍藏o既一部份，有佢D仔仔女女子子孫孫~我都有幾個位出現o架~呢度有一個我，搵唔搵到呢？

下晝開始唔舒服，勁流鼻水呀~真糟糕…

Comments

comments