恭喜晒mandy同古古今年畢業lu~~~~~~~~~~~(其實day都係今年畢業呢，不過到下次同佢影畢業相時先再恭喜啦~)

今日約o左babies們番BU影畢業相，但我o地只係約12:30pm o者，朝早仲有時間仲有時間，我幫媽媽手整沙律，因為今日有D教友上o黎我屋企開大食會呀，每人負責一道菜式，跌親之後膊頭o既傷未癒o既媽媽都係仲係適合做少奶奶o既o者，等我o黎﹗其實所謂o既「整沙律」，都只不過係洗洗切切o者，青瓜、蘋果、雞蛋、菠蘿、薯仔…但我整到一半就要出門口啦，下半由爸接捧﹗

首先去o左食lunch先，去o左新世紀廣場o既「心‧泰」，我o地六個人share四人餐居然夠飽喎？﹗樣樣食物味道都唔錯，最好o既地方就係可以即刻有位坐，同埋提供到一個舒適o既環境俾我o地吱喳﹗好耐冇見o既高姐今日都有o黎呀~

下一站去花墟買花束﹗都揀o左一段時間，不過今次都算快啦，而且早有目標，冇舊年咁難(舊年我o地係同另外兩位babies佩珊寶寶同埋金寶寶影o架~)~呢間就係我o地買花o既花店了﹗

兩束做好就係咁啦，mandy o既係傳統style o既太陽菊，保守o既風格好適合斯斯文文o既mandy~而古古o個束就夠新穎lu~採用從來冇人用o黎做畢業花束o既「波波菊(？﹗)」做主角，襯上有個性o既紫色辣椒型小花(其實古古o個束D襯花係我揀o架~)，好sharp~古古揀o左桃紅色o既底紙，花店隨意的同佢配o左黃色o既絲帶，wow，同DGC之前grad ex o既theme colour一模一樣，個sales係咪同古古識o左十輩子？﹗

第一站當然係必影o既大學會堂啦~

今日有六個女生出o黎影~好好啊，咁齊人~

雖然維修工程進行中，但都要影下個校徽o既~

古靈精怪~

今日其他影畢業相o既人唔算多，所以係D「景點」度都唔駛等好耐先有得影~成個過程影o左百幾張相都好快速o架~

o黎到呢個路口影新校，舊年影相o既狀況依然記憶猶新呢~好在今日有mandy帶o左三腳架，今日可以影好多合照，而且都少o左手震o既情況，good~

番到屋企都係6:00pm左右咋~佢o地已經開始大食會lu~day以為我會肚滿腸肥，結果係「冇」o既原因係，媽咪已經幫我留好o左一碟，哈，所以我唔會胡亂狂食﹗今日好多o野都幾好味丫~印象深刻o既係個炒紅米飯吧，好清新，用o既材料主要都係素菜，粟米、紅蘿蔔，仲有好脆o既腰果添呀~

夜晚做咩？睇電視﹗有一年一度o既「翡翠歌星賀台慶」喎，梗係要睇啦，家姐今晚番o左o黎，我o地同埋媽睇到kakaka咁笑~我爺都好搞笑，咪有一個環節係三個女歌手條鋼管舞o既，我爺形容關心妍係「肥o個個」，哎吔吔，佢真係慘慘了~都唔係好肥o者…

孝女會聯會o既神師林神父o岩o岩做o左手術呢，大家為佢祈禱吧﹗

Comments

comments