24-8-2007：呼吸吐露港的空氣

我終於完成了所有「沖繩旅行日誌」啦~記住scroll番落去睇喎，總共有四篇﹗16-8-2007、17-8-2007、18-8-2007、19-8-2007﹗同埋留下言俾我啦~

都晏晏地先起身，慢慢梳洗就剛剛好﹗約o左女生們+男士們去踩單車，12:00pm係沙田集合﹗

估唔到之前成個假期都天陰陰落雨，今日決定去踩單車居然會(出門時)陽光普照喎，仲要係超曬超熱o個隻添，見到有少少心驚~冇o野啦，搭巴士去沙田，哇，一出城門隧道居然落雨喎~糟啦，行程會唔會被逼更改呢？

唔理了，先食o左個lunch先，去o左一間叫做maple o既餐廳食o野，好似乜都有得食咁，有人食焗飯、有人食咖喱，我食o左豬頸肉蝦餅公仔麵，中規中矩啦，都ok o既，不過又唔會話下次好想再去食咁o羅，anyway，係呢個商場o黎講都算係比較低消費o既一間~

去沙田公園租單車，好似貴o左好多咁，講價又講唔成，冇法啦，$45都要踩吧~路線決定為來回沙田同大埔，要去大尾督的話恐怕要早D出發咯~開始踩時天色唔錯，陰陰地唔太熱，但踩踩下就…

點解我o地會停係呢個位影相？其實係中途避緊雨﹗吓？個天咁藍都落雨？﹗冇錯﹗你見到o既係對面個天同埋對面舊雲，而我o地頭頂o個舊雲確實落緊雨﹗

影個相先~哎吔，我真係肥o左好多呢，糟之大糕﹗

雨細番少少之後繼續行程，之後都冇乜點停lu，直至去到大埔時買下o野飲，休息下，吱喳下~廣福邨？去o個度間大昌買烏龍茶飲，好抵啊，$10.5有3樽﹗不過係D「修身茶」，都唔知除o左茶之外有冇咩可怕o既成份…雖然想減o者，但都怕怕D古怪o野~

大埔回歸塔前休息+留影﹗呢個係用自動功能影o架，我o地企個位都ok吧~

原來我o地一程踩11公里，即是來回總共22公里吧~

開心的笑一笑~

回程lu~好似幾乎全程回程都冇休息，不過一邊踩一邊吱喳o左好多…抵達沙田，肌肉呀、筋骨呀都唔係話好痛好累，反而係pat pat坐單車個位壓到有D痛呢~到沙田都五點幾六點，都要直接番屋企lu，屋企有客人來要早食飯~

基基團聚會，我主要都係窩係度用電腦上網咁啦~夜晚都沒甚啦特別~

comments

在《24-8-2007：呼吸吐露港的空氣》中有 16 則留言

真好彩冇下雨喎~ 我都有好耐冇踏單車了我記得…以前應該仲貴

在《24-8-2007：呼吸吐露港的空氣》中有 16 則留言