我完成埋day 3 o既旅行日記啦，即是可以click番去睇16-8-2007、17-8-2007同埋18-8-2007 o既diary~留言啊~
之前都未介紹呢個呢~
另一個係沖繩扭o既蛋﹗係一個hello kitty o既沖繩限定版布袋呀，好靚吧，一套有六款，偏偏抽中o左我最唔想要o個款添
，呢個係沖繩水鳥，唔想要唔係因為佢唔靚，而係冇特別感情o羅，其餘o既款式係獅子呀、菠蘿呀、苦瓜呀o個D，好似特別D丫嘛~見到嗎？連個蛋本身都係hello kitty o黎o架~註：我並唔係hello kitty o既fans~只係覺得呢個collection可愛o者~
今日有特別任務，要去家姐未來新居度等傢俬，不過下晝先要去~上晝係屋企睇o左一本小說(呢排真係睇o左勁多小說﹗)~
又係鄭梓靈的，叫做「離不開」，場景好熟悉呢，講o既係中學時代開始o既戀愛，學長同學妹o個種呢，好似可以滿足到女生年少時o既夢想，有萬人迷o既學長鍾意自己喎
~不過其實算係一個悲劇吧~臨尾仲睇到我眼濕濕添o架
~
十二點幾鐘出發，中間站去市中心買一買午餐，係吉吉島o既超級市場買o左個便當(由日本番到o黎都未能忘懷呢~)﹗
係我鍾意食o既冷麵﹗仲有一塊炸豬扒同埋沙律，我買o左綠茶襯番一套添~好好味，又好美女﹗不過只好買日本出品o既綠茶，成個雪櫃所有綠茶都有加糖o架，我硬係覺得甜o既綠茶怪怪的~
去到家姐o既新居，繼續完成未睇完o既「離不開」，但好快就睇完了，傢俬仲未送o黎~好在我早有準備，帶多一本新o既o黎睇
：
繼續係鄭梓靈，呢本叫「最美的時候」，講兩個好鍾意動物o既男女o既愛情故事，幾時係最美的時候？咪就係人展露愛心o個陣o羅~自己睇吧﹗呵呵~不過我覺得呢本相對於朝早睇o個本冇咁好，呢個冇咁觸動人心~
睇完第二本傢俬都係未到呀，從來都係咁，例遲的
﹗好在o個邊有好多舊相簿，我都睇到津津有味，有D仲影低o黎俾大家睇o架，睇下邊日diary內容冇咁豐富就share一兩張吧~
join爸媽去食o左個小小o既下午茶，買埋餸就番屋企lu~原本day今晚上o黎食飯，但佢好慘慘呢，都係唔可以準時收工，要8:15pm先可以係公司走，唯有下次再o黎過啦，今晚冇得見面了~
我去沖涼瞓覺啦~
隻蛋好似仲得意過個袋呀
你睇書嘅速度真係好快好快啊！ 我就同你相返，超慢呢！如果有你一半咁快，我諗我讀書都會叻啲呢！
我都想好似你甘睇甘多書丫, 不過一想到我之後有MEDICINE 同 psychi, 我都係要溫書 >.<
Re uHnsUi: 哈哈，唔係啩？﹗不過扭蛋最令人著迷o既地方就係由你抽o既時候唔知入面係咩，至到打開個蛋見到個玩具o個一刻，神秘感嘛~
Re墨西: heehee，我睇小說就睇得快~溫書就…
Re cindy: 你個假期咁乖呀？有溫書﹗我淨係去旅行時係飛機上面睇過washington咋~番到o黎…繼續…撻﹗
個Hello Kitty好靚呀! 最近你都睇好多"課外書"喎~
Re小姑娘: 乜原來你係hello kitty fans乎？﹗ 哈，自小老師就鼓勵我o地睇多D「課外書」啦~係咪？
我自小喜愛睇"格林童話"架咋! 我鐘意惡魔melody多d
Re小姑娘: 點解只係鍾意「格林童話」o既？ 邪惡melody好似係比較新o既character呀可？好似細個時冇o既？
我細個既時候鐘意格林童話可能係D字又大又少,又有插圖囉~我呢D懶人,唔鐘意睇太多字既書。 但最衰既就係我睇哂所有格林童話(當時學校裡的存貨),以為再冇野好睇…結果一度中斷了"睇書"呢個興趣 否則我應該識得更加多字 惡魔melody好可愛架!係呀!好似係上年出架
Re小姑娘: 有時間的話都睇下多D書啦，我覺得睇小說時，自己好似可以飾演個主角一次咁，同佢一齊經歷，咁樣可以暫時離開現實，去一次旅行咁~