放假lu放假lu~今日先正正式式咁結束senior clerkship﹗放完假番o黎就變specialty clerkship啦~趁住呢個都算幾長(24號至1號)o既假期，好好咁休息一下﹗

雖然得一個9:30am o既lecture同之後o既orientation，今日依然6:15am起身由屯門出發，因為今朝要派積木呀﹗之前班會幫同學仔訂o左呢D積木，好在可以係新block之前派到俾同學o者~因為suppose係用o黎做paedi o既developmental assessment，咁有D同學1月2號就開始paedi block lu喎~番金風執執o野，準時9:00am番到lecture theatre，馬上就開始將D積木pack成一份份，保證會o黎幫手o既dom當然出現啦，而且仲要多謝好多仗義相助o既老友同同學仔﹗唔該晒你o地呀~如果唔係一定係9:30am之前整唔好﹗

今日個lecture冇乜特別，所以連notes都未print﹗算啦，topic都係D輕鬆o既topic，唔係話有D好實在好實在o既東東要背o個D o羅~今日係nicholls講clinical trial同埋相關o既ethics，其實呢堂ok o架，又有段video有個實例俾我o地諗下~

落堂派積木都算順利o既，終於所有都發放晒出去﹗大家辛苦了~

11:00am係黎教授講specialty clerkship o既orientation，其實佢講D o野大致上都有道理o既，係有時偏激o左D、激動o左D咁o羅~哈，搞笑o既係，佢用D clinical example o黎講D道理，咁好多medicine o野係入面家嘛，大家都拎出紙同筆用o黎抄notes﹗竟然orientation都有notes抄﹗咁又係o既，黎龍collection要慢慢儲o架~

收到今年o既第一張聖誕咭(會唔會係最後一張？)，係adrian送o架~一睇入面，oh，佢好sweet呢~thanks~

一走得就趕出去中環lu，約o左day去街~今日o既目的地係黃埔﹗因為o個度有狗狗show睇呀~

首先去食o野，食o左一間叫做「郎田」o既日本o野，幾抵食又幾好食喎~叫o左兩個$39 o既set lunch share o黎食，每個set可以係menu度揀三樣o野，我o地食o左牛油炒魷魚、壽司拼盤(5件)、天婦羅卷壽司(6件)、秋刀魚、迷你雜錦魚生飯、迷你牛肉烏冬鍋，樣樣都好食﹗尤其係個天婦羅卷壽司呀~好good﹗我諗我遲D會去補番寫openrice.com o既食評﹗

肚滿腸肥…去睇下狗狗表演o既時間表，原來就快開show，咁就搵個靚位，睇埋先啦~

個show超精彩呀﹗極力推薦大家去睇，由而家到26號都日日有show o架~

等緊開show時有TVB同團長做訪問？認唔記得個男仔主持呢？冇錯﹗係香港先生呀~係咪叫「譚冠期」？我同day都唔係好up得出個名，唔sure o羅~都幾靚仔o架，但都幾普通o羅，同埋佢都真係幾矮﹗

開show lu~原來呢個狗狗賣藝團係一代傳一代o架，左手邊o既係爸爸，係第二代傳人，右手邊工人褲o既係仔仔，係第三代傳人﹗好感人呢~

行獨木橋﹗仲要係上面排排坐﹗好cutie呢~

哇，駕車載個小朋友呀~

好鍾意呢個，排住隊咁推個滾筒﹗睇下，仲排o左高度添o架~

空中飛狗﹗呢個表演都真係幾驚險﹗好在有驚無險o者﹗

yeah~好多謝你o地咁精彩o既演出呀﹗thanks~

睇完show就四處同day逛逛街o羅~呢度都有幾多舖頭可以睇下o野，不過我袋o野好重呢~辛苦day了﹗要幫我拎~今日o既收獲呀？買o左一把gweg遮﹗超級可愛o架~原本想買套白衫藍裙用o黎一月一號o個日著，但揀唔o岩呢，恐怕都係因為而家唔流行深藍色o既裙了，唔知去邊度搵呢~

五點幾去食少少o野就走lu~趕番屋企食飯﹗原來行番過去火車站都幾遠o架~急步急步行﹗搭埋火車去到旺角都係6:20pm o者，但原來番屋企o既路程之中最慢o既就係由旺角火車站行去搭亡命小巴o個段路﹗其實只係亞皆老街一直行，但「hong kong is full of people」﹗進展好緩慢呀~心情都會煩躁起o黎﹗塞住晒D人呀~

好在7:30pm之前都番到屋企~

今晚屋企有新玩具﹗係好似「美腿魔師」o既按摩器﹗聽日先仔細講啦~仲可以睇下相添~

仲有，今日收到day o既聖誕禮物了﹗謝~好合用呀~我送o既要再稍等一會呢，就快完成o架啦~

要瞓了﹗要瞓了﹗聽日都節目豐富呀~

Comments

comments