今朝好早起身呀~因為爸邀請我一齊去8:00am彌撒﹗時間上我都適合o既，因為9:00am要去守counter，加入青年事務組之後第一項工作﹗坐堂慶卡啦OK大賽o既報名counter~所以同爸匆匆忙忙食完麵飽就出去了~守counter一切都順利，係我守counter期間有兩位教友報o左名﹗咁爸未夠鐘集合出發去避靜丫嘛，佢提議一齊去飲杯o野，好喎~咁我咪話去大家樂o羅…出事了﹗爸見到個麥皮早餐好吸引，佢話想同我share o黎食﹗(大家要記住，我o地望彌撒之前已經每人食o左兩塊方包﹗oh no~)結果我幫手食o左半塊方包同埋少少蛋，哇，一朝食兩次早餐﹗又變小胖ta了﹗

好在之後去做番gym，除o左開頭跑步機行斜路15分鐘之外，都冇做其他機了，上o左兩堂呀~去o左physical咁耐，第一次上jazz咋，開頭都好擔心運動量太低，會好冇趣，但一跳起jazz，噢，令人懷念起大學一、二年級o既光陰﹗我o個陣有一年半o既時間係flora ho o個度學jazz dance o架(o個個叫ted o既阿sir好有型﹗呵~)~其實而家跳o個隻舞(佢用o左「派對動物」o既音樂~)已經教到第三堂，所以舊o個D go through得好快，但可能因為我有jazz底吧，所以D動作都掌握得好快，呢種pace o岩o岩好，跳到出o左一身汗呢，又痛快﹗下次都要再去上過，好高興呀~我果然係鍾意跳舞的﹗第二堂上o左barbell，其實我都幾鍾意上barbell(barbell係D舉舉舉[…要唱zarahn o既「舉」…哈~]o既堂，鍛鍊肌肉力量的﹗)，呢堂係henry教，雖然佢係男人，但佢教都係冇kitty教做得咁辛苦﹗我覺得聽日肌肉未必會酸痛…下次都係要跟番kitty上﹗最有幹勁o既教練﹗

同day食飯呀﹗去o左屯門市廣場新開最頂o個層o既「riso」~專門食risotto同飲smoothie o既舖頭，第一次去試咋，超good喎~day悠閒地飲「蘋果夏娃smoothie」~

我o地叫o左一個pasta一個risotto share o黎食，兩個人竟然不約而同地揀o左「蘋果夏娃smoothie」o黎飲~係day知我心意吧(or佢同我一樣咁鍾意D o野大？)，加大o左個飲品﹗全部都好正呀~樣樣都食到瞇瞇眼﹗但個smoothie好冰呀，後來飲到打冷震，day話：「慢慢飲吧，你一定唔會離棄杯o野o架啦~」嘻，知我者莫若day~

之後就出發去石硤尾開會了，係聖母孝女會聯會o既會議，係地鐵站見到COSH o既新poster呀~雖然當時只係attach o左一個月，但都有D感情呢，對於COSH依然特別留意，何況，我第一日attach時係呢個API part 1 o既launching ceremony，而家呢個係part 2，總算同我有D聯繫~

今日開會都幾好呀，有好多人呀~總共有13個人﹗內容好充實，大家都熱烈俾意見，好多o野都有定案，令我對一月一號o既慶典有信心o左好多，之前一直都好擔心會搞唔切呢~都叫做keep到時間，5:30pm前都可以開完個會~好高興呀~

番屯門同爸姐食飯，姐未到時同爸行「精美唱片」，買o左兩隻CD呀，其實兩隻都係我提議的﹗「IL DIVO」其實係去美國時康露明介紹我識的，佢o個陣o岩o岩去睇佢o地o既concert，開D歌俾我聽，一聽就愛上了﹗但番到o黎香港唔捨得買CD呢~另外「金曲百分百」係3隻CD，充滿住舊歌，而且好多係我當年o岩o岩開始聽流行曲o既歌﹗好似我人生唱K o既第一首歌(記住，當年唱K係係屋企唱的﹗)，陳慧嫻o既「千千闕歌」﹗而家聽緊呀~

食飽飽去埋超級市場就番屋企了﹗係supermarket爸俾我簽咭，我張新credit card應該簽夠了吧，份迎新禮物，nike $200現金券應該冇走雞o卦？

件冷衫開始織o左個幾禮拜，而家有13吋半了，原本想今個weekend去學開夾o架，但都係趕唔切呢~但進展都算快吧~

Comments

comments