DAY 8 @ USA
終於o黎到康皓珊屋企啦~好開心啊﹗
原本今日大家睇我個diary要睇英文o架啦，因為康皓珊部電腦打唔到中文，不過好在康露明(康皓珊姐姐，都係陳瑞芝o架~好耐冇見佢lu~)今晚o黎o左﹗佢帶埋部電腦o黎，所以今晚仲可以打中文diary﹗聽日就…要委屈一下咯~
今日坐飛機真係10個累﹗今朝又唔舒服呢~一朝早起來覺得個頭好痛﹗哇，個頭、個身仲好「興」添﹗六姨俾支探熱針我，101.7度﹗
發燒啦~都唔知因乜事忽然間發燒﹗而家都有一兩個differential diagnosis啦~開頭覺得係感冒，因為systemic upset:頭痛、發燒、周身累、痛(其實都幾non-specific，因為六姨屋企o個張床訓到成個人凹入去，醒都會周身痛﹗)、又冇respiratory symptoms喎，我打o左流感針之後幾個月都冇試過感冒，唔通美國o既strain同香港唔同，cover唔到乎？我朝早食o左兩粒panadol之後一兩個鐘就退o左燒啦，覺得好o左好多，晏少少(藥力過o左？)又好似有D燒，但到夜晚竟然精神爽利﹗我而家覺得發燒應該係因為牙痛﹗智慧齒逼出o黎，有D inflammation，以致有systemic inflammatory response~所以快來快去？﹗我都唔知呀，感冒冇理由好得咁快…算啦，總之之後幾日唔好咁操勞啦~
架飛機真係離晒譜
，原本十點半起飛，點知delay o左，十一點半都未上機，終於上o左機喇，又搞o左有成半個鐘先起飛﹗遲o左好多啦~係飛機上面都唔係好訓得著，訓得少少o羅~有飲品serve我都只係要o左熱茶咋(如果飲咖啡o既話係starbucks出品o架~)~醒目ta﹗
我知道飛機上面冇食物serve之後買定份三文治上機食，我又買o左subway o既submarine啦﹗今日係turkey breast，用honey oat麵包﹗雖然冇toasted，但都好好味啊~
去到中途站denver(我都唔知究竟係咩地方﹗)，我都唔知架飛機已經遲o左幾多，出去閘外面閒逛o左一陣，原本想買張denver o既postcard，因為難得有機會o黎到丫嘛~但都冇﹗對面有間咖啡點，哇，杯icebrewed marble mocha好吸引啊﹗
又靚~忍唔住買o左o黎飲﹗上面除o左有cream之外，仲有朱古力同白朱古力碎片係上面~好好味啊~
第二程仲辛苦，又訓唔著，本da vinci code又睇完，冇「世藝」﹗擔天望地…哎吔吔~阿婆ta又出現了，腰好痛呀~
因為坐得太耐了﹗後來拎本飛機上面o既購物目錄o黎睇，有好多新產品，都幾得意，咁都消磨o左好多時間~
終於抵達oakland啦﹗見到康皓珊10開心﹗好耐冇見了，我o地一見面就吱喳不停﹗因為都累啦，所以都冇去到邊，直接番o左佢apartment，竟然兩個人住o既apartment都有兩層，每個人都有自己o既廁所，好舒服呀~
今晚我同康孖舖﹗食晚飯前稍作休息，矇矇矓矓間睡去後，忽然聽到有把聲同我講，你好似唔知我係邊個喎？康露明來了﹗
我o地對住個電視食康皓珊準備o既晚餐(菇菇蛋肉片麵、菜<–好味道﹗
)，送飯o既有錄影帶，係benson(康o既男朋友)以前錄起o既「師奶強人」(睇o既時候忽然覺得COSH o既吱喳dennis好似阮兆祥﹗哈﹗)，10個舊﹗睇完之後睇番美國o既本地電視台，有america’s next top model呀(原來已經是重播了)﹗有重播世界盃，巴西對加納(聽英文旁述好搞笑，kaka、cafu、kaka，佢o地傳o黎傳去，好似漏口咁…)，又有國語劇集，陳浩民有份做~
之後上樓hea下hea下咁o羅~睇下康皓珊(應該係我o地中學時)D舊相，大家個樣都大個o左好多呢(尤其係阿day﹗好大分別呢~)~又睇下康D sketch book(佢o既招牌熊貓經常出現﹗)~之後同康露明係度勁睇youtube D短片，勁搞笑﹗
其實我都應該早D訓啦，不過好在聽日中午左右先出動，可以訓晏D~yeah~