黃色沖涼鴨仔又嚟香港喇﹗
繼2013年來過香港之後，2016年去到澳門我地都無錯過，來到2023年5月突然再在青衣船塢發現黃色鴨仔的踪影，雖然仲未宣傳有咩搞作，但係全城都已經非常興奮。
5月25日出去青衣城SHOPPING，行經汀九橋時見到黃色鴨仔係青衣船塢對出海面，暗暗決定回程時要去青山公路的海邊去睇下佢。
我地去咗汀九的沙灘
不過兩隻鴨仔已經返咗船塢
只係見到佢地的PAT PAT，真係有啲失望。
不過有個靚位影咗汀九橋同埋青馬大橋都幾唔錯既﹗
橡皮鴨二重暢活動6月10日才開始，據說展覽視乎天氣等情況預計展期，結果主辦單位在6月16日宣佈展覽至6月18日結束，於我們在6月17日立即趕來會一會黃色鴨仔了。
鴨仔係添馬公園對出海傍，不過我們乘金鐘站落車之便，先參觀一下金鐘站的佈置。
金鐘站周圍貼滿充滿香港特色的橡皮鴨貼紙
金鐘站半圓玻璃天窗的大鴨仔真係好可愛呀
參觀完金鐘站的鴨仔就去添馬公園探下兩隻橡皮鴨
鴨仔你們好
扁嘴鴨逸逸，逸逸今日件衫同兩隻鴨仔好襯色呀﹗
今日其實有毛毛雨，但係都不減市民對黃色鴨仔的熱情。
維港上的黃色鴨仔，空間好闊，地點比上次係海港城外海傍好得多。
來探鴨仔s的人太多了，點影都避唔開人群。
鴨仔s與會展
我地一邊慢慢散步去香港站一邊繼續同鴨仔影相。
掌心上的橡皮鴨
逸：佢地太可愛了，我要捏扁佢個頭……
爸爸都要捏扁逸逸個頭
鴨仔已經變到好細好細……
今次嚟睇鴨仔其實發生咗一件大事，我地去影相時見到好多人都帶埋自己的黃色鴨仔嚟一齊影相，逸逸見到都好想要一隻，通常見到人有又想要有的情況下我地都唔會買俾逸逸。
平日的逸逸通常都會有點悶悶不樂的接受，但今日不知什麼原因大爆發，好似癲咗咁狂喊狂鬧，仲要講埋爸爸媽媽好衰，好憎爸爸媽媽依類說話，又鬧又TUM又講道理都無用，完全冷靜唔到落嚟。
最後鬧劇係點樣結束？就係恆仔係講道理期間講咗一句「你俾魔鬼嬴咗你喇」，逸逸好似突然叮一聲咁平靜咗落嚟。
我只可以講今次真係天主安慰了逸逸。