二零二三年十二月二十五日(星期一)
今天我地要離開MELBOURNE了。
我們BOOK了10AM取車，出發之前還有時間先去QUEEN VICTORIA MARKET買昨天吃過的德國熱狗給恆仔做早餐讓他試試，為了讓逸逸多睡一點，所以今早我獨自行動。
今天下著毛毛雨
唉唷﹗今天是聖誕節，原來QUEEN VICTORIA MARKET休息。
唔單止QUEEN VICTORIA MARKET休息，附近的BAKERY、餐廳全部都休息，麥當勞是有營業的，不過昨晚才吃過麥當勞當晚餐，最後去咗7-ELEVEN買早餐。酒店附近依間7-ELEVEN好正，有KRISPY KREME DOUGHNUTS櫃枱，所以買咗充滿節日氣氛的聖誕樹DONUT俾逸逸食。
食完早餐仲未夠鐘出門，逸逸把握時間寫旅行日記。
今次旅程安排咗一個短短的自駕遊，用三日時間由MELBOURNE上到去SYDNEY，中間兩個晚上分別會住係LAKE ENTRANCE同埋BATEMANS BAY，今天就要先由MELBOURNE去到LAKE ENTRANCE。
係編排中間景點的時候其實都遇上難以取捨的決擇：
小時候跟爸爸媽媽去澳洲時參觀過淘金小鎮印象好深刻，所以都好想再去睇下，順路的話網上的人會推介去WALHALLA，不過去WALHALLA要上山多繞點路，而且我們到達的時間未必配合到參加礦場導覽團，可能遠道而來但係只能隨便走走。
另一個非常吸引我的地方係去PAYNESVILLE對面的RAYMOND ISLAND睇野生樹熊，依個真係唔係一般遊客會去的地方，難得經過如果過門不入，下次再來澳洲也未必再會有機會來這兒，不過去RAYMOND ISLAND的最大缺點係坐成日車去到尾站先會有景點。
因為依個行程唔影響訂酒店，所以大約被淘金小鎮→野生樹熊→淘金小鎮→野生樹熊困擾了兩個星期之後，最後決定要去睇樹熊，最多中間搵個有遊樂場的小鎮吃午餐俾逸逸活動下筋骨同埋無咁悶。
今次我地係透過RENTALCARS.COM幫搵AVIS租車，由酒店行兩個街口就已經係佢地OFFICE。職員很NICE也很健談，見我們訂日本車即刻話幫我辦緊手續的同事好迷日本車。去過沖繩幫襯香港人開的租車公司，AVIS的手續一定係比較煩複。不過依家有一樣嘢好先進，對所有文件包括驗車都係櫃枱用個IPAD攪掂晒，簽好的文件及驗車相片也直接傳送到我EMAIL ACCOUNT，然後直接俾條車匙我地自己落去停車場拎車。
我在櫃枱辦手續期間分別有兩個客人問租車，不過職員說直到除夕所有車都已全部出租了。
辦手續的地方唔大，不過都有少少位可以坐係度等。
依架就係嚟緊陪我地玩三日的COROLLA
恆仔先幫我SET好我地自己帶來的電話支架，可以方便睇GOOGLE MAP做導航。
因為恆仔病咗唔舒服仲發緊燒，所以依三日都係我做司機。果然唔好貪新鮮，租返同我地架JAZZ相類似SIZE和馬力的COROLLA係好正確的選擇，因為一坐上車已經覺得同平日係香港駕車無乜分別，瞬間已經成功人車合一。
這是前天晚上放煙花的球場
好快就上咗公路，可能因為是假期，好多澳洲人都出行，加上落雨，公路都非常多車，仲有少少塞車添。由MELBOURNE市區出發一定會經過收費道路，AVIS的車上已經設有ETC裝備，如果行咗收費公路會自動係我落DEPOSIT的信用咭扣返錢，好方便。
又係逸逸做網上功課的時間，不過除咗做網上功課之外，都可以睇下PJ MASKS，所以逸逸從來都無投訴過坐車好耐好辛苦。
長期用GOOGLE MAP導航電話好快無電，我地入咗個油站恆仔上廁所，順便買咗條叉電線可以KEEP住叉電。點知用車的USB頭叉電個GOOGLE MAP出唔到聲，用尿袋叉先無問題，用尿袋的話其實我地本身自己的線都夠長，無端端浪費咗錢添~
當然順便買樽咖啡充下電
今日我地的目的地係紅圈的LAKE ENTRANCE，第一個景點係藍色方格的PAYNESVILLE，所以之前計劃打算係中途站MOE的麥當勞吃午餐，再在附近的APEX PARK玩下遊樂場。
不過正如今朝所講，昨晚才吃過麥當勞唔係太想再吃，加上落雨亦無得去遊樂場，所以大約12:30PM左右我地就開始轉入小TOWN睇下有無合適吃午餐的地方。點知轉到入小TOWN的商店街，可能因為聖誕節的關係，全部都無開門，簡直好似死城一樣。
所以最後係無可奈何之下都係幫襯返麥當勞。
澳洲的麥當勞有一個好處，就係套餐唔配薯條可以配沙律，雖然香港都可以配粟米，但係粟米始終大大杯同一個味有少少寡。
逸逸幾時食麥當勞都咁開心，除咗食物啱胃口之外……
仲可以玩下開心樂園餐的玩具
澳洲麥當勞的另一個好處就係好多都有個遊樂場，都叫滿足咗我想中途站俾逸逸玩下遊樂場的計劃。
我地繼續上路，雖然店舖都沒有開門，但係我地都可以欣賞一下澳洲人的聖誕佈置，例如係大樹上繫上蝴蝶結。
由MOE去到PAYNESVILLE
大約4:30PM，我們終於來到今日的唯一景點：RAYMOND ISLAND對岸的PAYNESVILLE了。