離開名護菠蘿園的時候已經是1:15PM，是時候找地方吃午餐。
下一站是海洋博公園，我的搵食策略是先用GOOGLE MAP找前往海洋博公園的路，然後沿路再逐間餐廳睇下介紹，最後決定去依間可以睇到靚景距離名護菠蘿園15分鐘車程的ハッピーカフェ(HAPPY CAFE)。
其實差點就來不到這兒，因為餐廳是我在菠蘿園找的，去到停車場預備開車SET GPS時竟然沒有網絡，唯有先向海洋博方向駛去再一邊走一邊SEARCH網絡。
餐廳是在一個小山坡上，條路好斜，好彩架K-CAR都夠力上來，上來時太心急想食飯，所以幅想係走時影的。
ハッピーカフェ係建於山上的一家獨立房子
特色：靚景、午餐1000円同埋咖啡
依度全日文餐牌，不過好彩選擇不多，我都仲睇得掂。
室內好寬敞，可能因為我們來得晚，計埋我地只有兩台客人，其中一台客人是一個坐在門口窗邊吸煙和飲咖啡的大叔，唔知點解覺得他是一個作家。
行出餐廳外面，個景真係靚到嘩一聲﹗
整個空間好瞭闊，成個畫面就係唔同層次的大自然藍色和綠色。
任何角度影相都咁靚
個用來裝飾的敲鐘有點日久失修
不過張白色木製野餐椅用來做佈景就好有FEEL
天氣好熱，恆仔影咗一陣就忍唔住入返去涼冷氣
其實由室內望出去都一樣心曠神怡
開餐喇~我點晒佢餐牌上面的主菜，分別係咖喱飯、漢堡飯冋埋PIZZA，每一款味道都唔錯。
一人一杯冰凍飲品
最後以美味的蛋糕做飯後甜品作結
不論環境和食物都好滿意的一頓午餐。