落咗菠蘿車之後,原來仲有好多嘢睇~
依度有一個好靚的植物園
除咗好多蘭花之外,仲有蕉,同埋好多琉球獅子シーサー風獅爺。
依度仲有個蝴蝶園,入面飼養了日本其中一種最大的蝴蝶 -オオゴマダラ
依個蝴蝶園最大的特色是你可以一次過見晒各種形態的オオゴマダラ,包括毛毛蟲、蛹以及蝴蝶。
唔知點解恆仔咁吸引,隻蝴蝶係佢身邊撲嚟撲去都唔肯走。
同大菠蘿合照
原來仲有以紅掌位主題的紅掌花園,有個位可以影心心相,由逸逸攝影師操刀。
之後我們來到PIPEAPPLE CAFE
坐低飲咗杯PIPEAPPLE CREAM SODA,順便坐低休息一下,正﹗
繼續行可以走上二樓的長廊,可以從高處睇返我地剛才坐菠蘿車行過的地方。
周圍都係影相位
周圍都係琉球獅子シーサー
佢地個樣全部都卡通晒,好可愛~
今次同逸逸影心心相
接住落嚟我地要進入完全唔關菠蘿事恐龍世界
有各式各樣的恐龍模型
逸逸K3時跟學校出去和同學一齊參觀過科學館的恐龍展,有一期好迷恐龍。
可愛的恐龍BB同埋逸逸BB
恐龍夾BAND,逸逸聞歌起舞~
仲可以騎恐龍添﹗
來到食菠蘿的地方,以前是任食的,依家要500円一件,不過真係超甜,俾錢都要食。
各式各樣的菠蘿商品,好靚~
原來菠蘿的各部份都各有用處,後面是沒有人在工作的菠蘿工廠,十多年前來的時候是忙碌的生產線來的。
學習菠蘿的相關知識,不過我地唔識日文,都係靠圖片估估下。
名護菠蘿園原來始於1979年(昭和54年),創業時只不過是在小屋中賣著沖繩縣產的鳳梨,依家連恐龍都入侵菠蘿園了。
名護鳳梨酒莊出售用沖繩鳳梨製成的葡萄酒和果汁
這是鳳梨白蘭地酒廠LA PINA,出售使用沖繩原料製成的伏特加、烈酒和朗姆酒,據說白蘭地將於2025年上市。
我都好想帶個菠蘿走呀,可惜我地無可能拎佢返香港。
跟出口位置仲有個大型動物花園
可額外付費乘坐PINEAPPLE SL參觀,不過不知不覺我地已經係度玩咗兩個鐘,我地係時候要去搵地方吃午餐了。