二零二三年七月二十五日(星期二)
來到自駕遊的第二天,今天要開車一直玩上沖繩的北部海洋博公園。
不過第一個目標是駕駛30分鐘去位於名護市的麥當勞吃早餐。
沖繩的海顏色真係好靚,睇極都係覺得一樣咁賞心悅目。
來到名護市的麥當勞時已經10AM了。
麥當勞的早餐薯餅可以轉沙律真係超級正﹗如果香港都可以就好了。
由大阪開始見到已經心思思好耐的McCafe馬卡龍於買咗嚟試。
依間麥當勞好大,入面有滑梯,逸逸當然唔執輸玩咗一陣先走喇~
我地今日第一站係名護菠蘿園。
露營的時候與團友講起沖繩的行程,佢地都唔太推薦菠蘿園,話除咗菠蘿小火車之外無乜嘢睇,反而佢地推薦去瀨底島,話個度沙灘好淺水都睇到好多魚。不過有見昨日已經去咗浮潛,游水換衫沖涼好花時間有機會影響海洋博的行程,加上對菠蘿園的超甜菠蘿有啲情意結,最後決定跟返原定安排。
睇下個地圖,乜原來名護菠蘿園咁大,仲有DINOSOUR ADVENTURE TOUR添﹗
我地由停車場要乘小火車前往名護菠蘿園的正門。
其實佢都已經算係一個遊園小火車,一邊開車一邊播放著輕快的主題音樂。
因為我地不但見到名護菠蘿園地標超級大菠蘿
同埋參觀咗菠蘿田
其實依度仲有另一架更靚的小火車,可惜我地坐唔到。
落咗小火車之後就排隊乘搭遊園菠蘿車
菠蘿車的造型真係好可愛
條隊都幾長,最後排咗差不多15分鐘先上到車。
好在沿路都有啲嘢睇下,例如依個極度洗腦的菠蘿園主題曲MV。
逸逸寶出發喇~
出發之前先由菠蘿先生幫我地影返張相先
雖然是全自動駕駛,不過逸逸真係當自己係司機架~
依度都係睇菠蘿田,菠蘿仔好細個好可愛。
依個應該夠熟喇~
仲有紅色的菠蘿
以及大量蒴類植物
又有相機
結果咪買咗依張靚靚菠蘿車相囉~