二零二四年一月十四日(星期日)
今天是逸逸學校家教會的旅行,今年的目的地是在親子界非常熱門但係我們第一次去的錦田鄉村俱樂部。
一入場就被依個好污糟的吹氣彈床迷惑咗,仲要又貴時間又短,$30玩得10分鐘,不過難得同幾個同學仔一齊開心跳跳跳就算喇~不過由依一刻開始我就發現依度係一個要不斷科金的地方。
難位遊戲、手工藝、寵物樂園餵動物,全部都要俾錢~
好少有機會見到大肥豬,佢地睇落雖然都幾可愛,不過好臭。
買咗紮菜可以餵羊、兔仔同埋倉鼠,逸逸最鍾意。
明明今日嚟BBQ,兩父女就不斷眼甘甘望住小食部個牌,一個話要食燒賣,一個話要食公仔麵。
同可愛的士多啤梨畫影相
我地嚟摘士多啤梨喇~
依度有日本種同韓國種的士多啤梨,可能多人摘的關係,成熟旳士多啤梨唔係咁密集,要慢慢搵。
今次係逸逸第一次摘士多啤梨咋~
不過有係澳洲摘藍莓的經驗,所以極速上手。
士多啤梨價錢都唔平,摘咗剛剛夠食的份量就好了。
現場立即享用
依度有個好靚的波思菊花田
可以係度影下靚相
逸逸揀咗棵異類嚟眷顧
靚靚蝴蝶採花蜜
依張係我偷人地師影架,因為有個大藍天,真係好靚~
BBQ時間,逸逸應該影完依張扮燒嘢食相之後就去咗同同學仔玩喇~
我最鍾意燒雞翼,但係唔太鍾意食,只係享受個過程。
除咗返嚟飲野都係一直玩玩玩……
一石激起千層浪,有一個同學仔食雪條,跟住個個都話要食,我俾錢逸逸自己出去買,點知空手而回,原來係因為搵唔到賣雪條個檔口,結果都係要我陪佢過去……
大熱天時食雪條最正﹗之後我都食咗一條。
跟住又去咗做奶油膠手飾盒小手工
最後玩埋動物車,無諗過架車都幾快,逸逸剛開始時都俾佢既速度嚇咗一跳~
其實我覺得隻動物好醜樣,但係逸逸覺得佢好可愛。
臨尾食埋燒賣同豆腐花就完成今次的親子旅行了。