我們入住的酒店就在恩納海濱公園Nabi海灘對面，所以上車轉個彎就到。
今次入住的是恩納和風酒店北海莊，訂依間酒店的時候剛好遇到超級便宜的價格，兩晚連稅只是HK$730，所以預約租車時SOPHIA曾經提議過我可以在露營場直接取車先玩中和北部最後才住那霸比較不用走回頭路，但改訂其他日子已經不再是這個價錢，我實在捨不得放棄……
房間是和式三人房，都算寬敞，而且小小的洗手間也容納到小浴缸可以浸浴，唯一的缺點是沒有電梯，要自己搬行李上房。我們一進房就開始輪流洗澡，逸逸剛洗完出來職員過來說他弄錯了要幫我們換房，但換了的房間又看不出跟之前那一間有什麼分別，難為了職員又要整理一次剛才的房間。
好驚喜的是酒店不單止有洗衣機，而且還是免費的，我們立即將剛才浮潛穿了的泳衣拿去洗，洗好衣服再晾後我們就出發去吃晚餐，原本想去網上好評如潮的燒肉GENKA，不過來到之後卻被告知已FULLY BOOKED……
最後隨便揀咗依間招牌好吸睛的海之家。
剛好睇到好靚的日落
係餐廳入面都欣賞到架~
三個人排排坐可以一邊睇景一邊用餐
由上至下左至右排列：三文魚生、紅芋天婦羅、燒沖繩縣產黑豬肉、夜光貝醬燒奶油、沖繩特製炒麵、沖繩風燒餅以及酥炸雞塊，味道正常，沒有驚喜，也沒有投訴。
食過晚餐之後SHOPPING癮起，決定挑戰自己，夜麻麻駕車20分鐘去離我們最近位於石川的DAISO。
恩納同石川之間只係11公里，但係過去條路無想像中咁簡單，又上山又落山又行隧道，感覺係穿過中間座山過去咁，而且街燈也不多，不過始終有多年駕駛經驗，又唔會覺得驚既。
一次過可以行晒DAISO、松本清以及沖繩連鎖超市SAN-A，非常方便。
依間DAISO好大，2/F成層都係佢~
依度有好多戶外活動相關的貨品
我地去露營時用的捕蟲盒依度都有得賣
釣魚用具依啲感覺好專門的東西依度都買得到
我地係度買咗吊床，不過暫時都唔知幾時有機會用到。
淨係賣襪都有幾個貨架
香港DAISO都有得賣可口可樂產品，但係種類就依度多超級多。
可以買花同埋菜的種子，可惜應該唔可以帶返香港。
我地係度除咗買咗吊床之外，恆仔買咗件雨褸，另外買咗逸逸係香港已經好鍾意的唔知乜嘢小動物包埋個籠的玩具，係香港我嫌貴唔買，嚟到日本因為匯率關係有如半價，所以買埋俾佢，想知咩樣就記住睇明天的行程BLOG……
跟住我地落咗下面行超級市場，買咗啲食物和飲品做宵夜，又睇下各種有趣的商品。
好可愛的米奇頭火腿
好多人話去沖繩放煙花，但係網上又話好多地方其實唔可以放，好混亂。我地問過阿SAM關於依個問題，佢話政府沙灘或者公園就一定唔可以，但其他地方只要是比較空曠基本上唔打擾到人都問題唔大，特別我地係外國人唔識日文，就算有人過來干涉我地離開就可以了。
其實我地酒店旁邊就有一個這樣的空地，不過我地都唔敢放。
回程有點狼狽，明明SET GOOGLE MAP揀咗唔行收費道路，唔知幾點兜嚟兜去都係指我去收費道路，結果終於喺日本行咗第一次收費道路，印象中今次收費係500円樓下。
返到酒店就係宵夜時間。
三文魚生和燒酎
西瓜
仲有益力多Y1000
瞓覺LU，睇下逸逸同KIKI瞓得幾舒服~