因為早前參加了茶記為食跑而LIKE了膳動衡的FACEBOOK，於是留意到這個他們也有份合辦的活動：好空氣日 – 屯門5KM社區跑。
原來這是一個由健康空氣行動舉辦的活動，由蝴蝶灣沿海傍跑至幻愛橋再折返，全程由專業教練帶領，加插跑步訓練，費用全免，難得在屯門舉行，我和妹妹相約一起參加。
兩家人一齊食完晚餐就將小朋友交俾兩位爸爸，我和妹妹就搭車去集合地點：蝴蝶灣泳灘，上次來蝴蝶灣泳灘應該已經係9年前的事了……
首先由主辦機構負責人介紹健康空氣的重要性以及有關空氣污染指數的知識，特別跑步時呼吸好重要，要搵空氣清新的地方跑就更加合適。平時成日話公園空氣比較清新，原來只要拎空氣質素監測儀，只係同馬路一公園之隔，已經相差好遠。
今日帶我們跑步的原來不是專業教練咁簡單，而係前港隊代表WINTER SIR同埋助教BURGER SIR。
出發之前首先帶領大家拉筋做熱身，講真個句平日跑步前真係無乜點做拉筋，行一陣先開始跑已經當做咗熱身。
好快就來到幻愛橋，一直沿住海邊跑，空氣真係好清新。
之後就開始歷時30分鐘的跑步訓練
好多平日無用到的肌肉都被喚醒，其中提高腿再踢PAT PAT跑的練習動作，原來個速度可以快到嚇親自己，依半個鐘真係幾辛苦下，肌肉仲因而酸軟咗幾日。
大合照
之後一齊跑返蝴蝶灣泳灘
依個免費的活動仲可以將消耗的卡路里轉化為食糧，捐贈俾受惠機構聖雅各福群會，真係好意義。
最後我和妹妹還接受了健康空氣行動的訪問，唔知會係邊度見到呢？
我地依個活動其實係第一屆好空氣日的前哨活動，香港第一個「好空氣日」於11月4日在屯門H.A.N.D.S.舉行，可惜那天我們要去天水圍參加明愛賣物會，沒有時間去支持一下了。