大約3:45PM,我們終於來到今天的露營場地 – 沖繩綜合運動公園了﹗
沖繩綜合運動公園是一個超級大的公園,佔地超過700,000平方米,相當於70個足球場,當年梁振英話可以用來起25,000個住屋單位。除了露營區和最受遊客歡迎的大型遊樂設施之外,還是一個大型的運動場,有各式各樣的運動設施,連水上樂園滑水梯都有﹗
右下角15號的位置就是露營區了。
SOPHIA一家一早已經預備好大量露營的物資
營地旁邊就是車位,非常方便。
首先介紹一下這兒的設施:
這是露營區的OFFICE
在這兒可以租借露營的裝備,也可以預訂BBQ食材。
這兒同時也是一個簡單的小賣部
售賣各式玩具、小食和飲品,仲可以為電話充電。不過充電不但要收費而且要放低電話,幸好我們為了今次露營特地添置了兩個叉電器,夠晒我地用。
長期都保持清潔的洗手間和浴室
SOPHIA特地提醒我們要預備定100円硬幣用來沖涼,100円供水3分鐘,連平日嘆慢版沖涼的逸逸都要加快手腳,我們早在大阪就已經開始儲起了一大袋100円了。
最搖曳露營FEEL就係依個廚房了,煮食洗碗都係可以係依度進行。
開始搭營
首先拎晒啲裝備出來,跟我們的帳蓬一樣,都係有地墊、內營、外營和支架,不過因為依個係一個一房一廳的營,比我們自己的帳蓬大得多,淨係打開啲嘢都已經有啲吃力﹗
露營場旁邊就是遊樂場
大人忙住搭營,小朋友已經忍唔住要去遊樂場玩喇~
起初都去望下佢地,但係真係要返去幫手搭營,反正幾個小朋友一齊玩可以互相照應,於是放牧小朋友正式開始,基本上除咗飲水同埋食零食,逸逸都無返嚟搵我地。
大家都未搭過依款營,要睇圖研究一下~
雖然只有日文版
睇完圖大家再討論下終於有啲概念
原來佢同我地個帳蓬最大的分別就是它是先起外營,再掛內營係入面,於是就開始插支架~
終於開始成型喇~
我間中過去遊樂場睇下班小朋友,佢地自得其樂~
玩完遊樂場又返嚟玩下泡泡,依支泡泡係剛才係DAISO買的。
係大草地一齊玩
DEREK爸爸請小朋友食雪糕,真係開心~
睇下班小朋友幾嘆~
花了1個半小時終於搭起個營了,飲返枝沖繩COLA慶祝下先~
個營係SNOW PEAK嚟架,我地依啲大鄉里都係第一次用SNOW PEAK的產品。
個營超級寬敝,企起身都無問題~
我地仲租咗桌椅以及BBQ爐,小朋友都幫手去小賣部推物資過來。
我地終於可以嘆下喇~
小朋友繼續公園草地公園草地無限LOOP
仲預備咗吊床,真係好正呀~
大約6:30PM,我們聚在一起玩破冰遊戲互相認識~
我地玩日文版大風吹,大家分成三組,分別係士多啤梨(いちご)、西瓜(すいか)以及蘋果(りんご),一邊玩順便學埋日文~
然後教小朋友唱日文兒歌
雖然唔係幾識唱,但係聽住一齊跳舞一樣咁開心~