二零二三年七月二十日(星期四)
今天就是出發去露營的日子了﹗
活動主持人同時也是沖繩的在地媽媽SOPHIA早於6月尾的時候開了WHATSAPP GROUP與今次活動的參加者溝通聯絡。今次露營活動連埋SOPHIA一家總共有六個家庭八個小孩子,好期待呀﹗
酒店房間望出去的風景,看見藍天白雲就特別開心。
今天要早起,所以昨晚在便利店買定麵包飲品做早餐。
都話依家酒店麻雀雖小五臟俱全,其實係酒店房可以三個人舒舒服服咁埋枱食早餐都唔容易架。
我地將大行李寄存係酒店就出發了,CHECK OUT竟然仲送小點心添~
今天的集合地點是沖繩單軌電車的終點站TEDAKO浦西站,所以我地都係坐單軌電車過去。
日本的交通工具出名準時,今日我地竟然遇上延誤~
本來打算搭8:25AM班次,最後延誤了10分鐘。
所以車廂非常擠迫
望到沖繩個海呀~
坐到尾站成架車淨返我地咋~
好美的TEDAKO浦西站,如果唔係今次露營係度集合應該唔會有機會嚟。
我地準時9點來到集合地點,TEDAKO浦西站對出的廣場。
依架就係接我地架車,點解架車咁細既?因為今朝的活動是OPTIONAL,只有四個家庭參加,而其中一個家庭自己租咗車,所以我地同另外兩個家庭就坐依架車。
出發喇~
我地今天早上的節目是陶瓷拉胚機體驗‧礫燒示範‧製作陶瓷小飾品,地點係位於沖繩北谷的手作工房E SKY。
因為位處鄰近美軍基地的北谷,所以經常會看到戰機飛行,而戰機的聲音是意想不到的吵……
手作工房E SKY是由一對移居沖繩的港人開設的,樓下是工作室,樓上是住宅,不過因為這兒太嘈,他們養的狗仔不喜歡戰機的聲音,所以他們沒有住在這兒。
可以招待一次性體驗的遊客,也有為喜愛陶瓷的沖繩居民舉辦恆常班。
工房的一角
今日參加者有6歲半的逸逸,就快6歲的AIDEN,5歲的DEREK以及4歲半的朗朗。
我地就係做依類陶瓷小飾物,可以用來做吊咀、耳環或者磁石貼都可以。
每個小朋友獲派一片陶土,然後好似玩泥膠咁揀喜歡的模具壓落去。
跟住就用工具修飾邊位以及畫花紋
依隻可愛的小鯊魚全部都係模具的功勞,我地只係幫佢修下條邊,哈哈~
集合大家的作品
然後要烘一烘乾先可以上色
不過烘乾與此同時亦係QC的時間,如果壓花紋時畫得太深,或者壓得太邊,就有機會就會係依個過程裂開,我地其中一個心心都爛咗,不過店主俾過一塊陶土我再做過另一個心心。其中一個爸爸很有心機的設計花紋,但因為造功太多也特別易爛,烘爛了兩塊去到第三塊先成功。
跟住就係上色
要上兩層顏色,再加一層淺藍色的東西係令佢變成光面。
我和逸逸做起手工上來都係雞手鴨腳的人,可愛的鯊魚都被我毀了……
上好色就要等店主幫我地燒,今晚會將燒好的作品送到營地給我們。
係時候做拉胚機體驗了
逸逸見到就話媽媽玩過,吓?我都係第一次試玩咋喎?原來佢講玩RING FIT呀﹗不過真拉胚機同RING FIT個GAME一樣,原來都幾難控製架~不過,我地依一代梗係停留係:”OH~ MY LOVE~ MY DARLING~”喇zxad
按上圖看看逸逸如何輕輕撫摸陶泥
按上圖看看我的第一次陶泥拉坯機體驗
成手都係啡色
臨走我地仲借用了樓上的廁所,順度參觀了沖繩的住家~
佢地就係我地今次的製成品了﹗可惜帶返香港時鯊魚條尾斷咗,不過恆仔用超能膠黏返好,仲貼咗係我地屋企個雪櫃上面添﹗下次嚟我地屋企時記住欣賞下呀~
如果自駕又有興趣體驗一下陶瓷的可以聯絡e sky手作工房,店主講廣東話學都學得容易上手啲喇~