故事由2022年10月13日 – 我們的結婚15週年開始。
當晚收到檢測公告，我們居住的大廈居民須於2022年10月14或15日進行檢測，
10月14日(星期五)
因為未有檢測結果會影響上班，我立即去做了檢測，星期六已收到NEGATIVE的結果。
10月15日(星期六)
恆仔和逸逸前往社區檢測站進行檢測。
10月16日(星期日)
逸逸早上開始發燒，做快測NEGATIVE，原本打算去野餐的我們改為在家野餐。
晚上收到檢測結果，兩父女的結果均為NEGATIVE。
10月17日(星期一)
逸逸發燒未退，病假一天留家休息，快測結果繼續NEGATIVE。
10月18日(星期二)
逸逸已退燒，快測結果NEGATIVE，回校上課。這天發生了很多不好事，兩父女放學搭小巴撞車，幸好無乜大礙；我就在天橋被大風吹跌咗，手部擦損，手踭瘀晒，放工後無去上空中瑜伽。
10月19日(星期三) – DAY 0
逸逸早上上學前快測兩條線，宣佈中招，恆仔和我則維持一線，開始處理一系列申報，家居隔離正式開始。
平日好少煮飯的我家中物資不多，幸好我們還有DELIVEROO和FOOD PANDA，咩都買到仲要有人送來，而且平日沒空做的都終於有時間試下。因為逸逸已經沒有任何病徵，只是一個精神奕奕但被迫要留在家中無所事事的小朋友，所以今天我們的午餐是包餃子，等她有嘢玩。
自己包的餃子特別好吃
晚餐也煮了一桌子菜
早午晚我和恆仔都在做快測，其實下午我有一點點頭痛，不過睡了一覺就無乜事，最後20:40也看到我的第二條線了。
10月20日(星期四) – DAY 1
今天衛生署派人送了隔離手帶過來，只有我要戴，小朋友不用，逸逸對於差別待遇有點不滿。恆仔繼續快測NEGATIVE。
同時亦提供了家居檢疫手冊、一堆口罩、藥物以及檢測棒。
今天逸逸小朋友的節目是跟繪本整焗蕃薯蓉。
10月21日(星期五) – DAY 2
今天收到隔離物資，恆仔繼續快測NEGATIVE，不過昨日唔知原來要申報快測結果被追。
買咗筍想整沙拉筍可惜失敗，苦的。
因為發現DELIVEROO有烘焙店，今天逸逸小朋友的活動是整蛋糕。
10月22日(星期六) – DAY 3
我的安心出行變咗紅碼了，今天恆仔繼續快測NEGATIVE。
今日拎咗阿妹送俾逸逸的生日禮物出嚟玩，係屋企都可以玩沙。
10月23日(星期日) – DAY 4
之前係烘焙店仲買咗整餅乾SET，今日整餅。恆仔繼續快測NEGATIVE。
仲係DISNEY+睇咗套《無敵破壞王》添﹗
10月24日(星期一) – DAY 5
今日恆仔繼續快測NEGATIVE，除咗係屋企煮三餐同埋做運動之外，竟然無做乜特別嘢，究竟我係點樣應付逸逸既呢？
10月25日(星期二) – DAY 6
因為參加咗公司康樂會親子線上跑，所以捉咗逸逸同我一齊跑步，恆仔繼續快測NEGATIVE，我同逸逸仍然二線，明天出關無望。
另外實在已經悶到發慌，所以終於買咗SWITCH的MARIO KART，有啲新遊戲衝激一下。
10月26日(星期三) – DAY 7
今日繼續公司康樂會親子跑第二回合，終於成功完成賽事。
恆仔可以出街喇，我地終於可以食由恆仔親自買返來的外賣。
今天的節目係整梨批，用煮砵酒梨的方式做餡，好好味呀~
我終於驗到NEGATIVE，明天可以上班了，逸逸仍然兩條線。
10月27日(星期四) – DAY 8
我終於可以上班，剛剛趕及參加明天比賽的FINAL REHEARSAL，真係好險。
總結：
其實成個隔離過程都算好輕鬆，因為逸逸一直都無病徵，我亦只係間中有幾聲咳，係平日連藥都唔會食的程度，所以只係留係屋企放假。
我就每日乖乖上網買餸煮三餐，結婚咁多年都未試過咁長時間無乜叫外賣，又勤做運動，每日都係屋企原地跑5KM然後再做半個鐘瑜伽，從來都未試過咁有規律的生活。
逸逸的生活亦好有規律，每日上午溫習大約一個鐘，就算無得默書亦有跟SCHEDULE溫習，婆婆下午幫手去學校拎功課，之後就乖乖完成功課。
恆仔最犀利，同我地同住一間房仲要無任何防禦措施都無中招。
不過逸逸的兩條線同佢個人一樣咁頑固，去到10月30日DAY 11先至驗到NEGATIVE，10月31日DAY 12先可以返學呀﹗