二零二三年四月十四日(星期五)
今天唯一的節目就是去水上樂園,去玩之前先在酒店吃自助早餐。酒店早餐分三個時段,分別是6:30am-8:15am、8:15am-9:45am以及9:45am-11:15am,昨天我們晚check in,只剩下最早和最晚的時段選擇,反正水上樂園11am才開門營業,我們可以多睡一會兒,9:45am 才悠悠閒閒的去吃早餐。
餐廳門口接待處的螢幕也是播放著潑水節的卡通影片,配合著洗腦的傳統音樂,好有氣氛。
作為一間標榜Children Friendly的酒店,早餐設有兒童專屬的Children’s Corner也不驚訝!
自己拎食物特別開心
酒店食物款式都算多,Presentation亦比曼谷酒店來得精緻,不過味道就好一般,還是曼谷酒店的市井風比較合我的口味。
吃完早餐還有時間回房間露台HEA一下
LIFT LOBBY的落地玻璃就可以看到水上樂園的全貌
水上樂園的酒店客人入口就在酒店對面
CHECK IN時已獲發每人一條手帶,住客可以憑手帶免費入場,借用LOCKER以及樂園內消費記帳也是用手帶就可以了。
水上樂園平面圖
我們為逸逸預備了水袖,點知原來唔可以帶入場,於是恆仔先拿水袖回房間,我就和逸逸留在這兒先借用Locker和拍拍照。
我們第一個玩意就是我最喜歡的Lazy River
原來逸逸玩Lazy River唔可以Lazy,因為會跌落水泡中間個窿。
所以唯有好似坐船咁坐係水泡上面乾煎
發現原來樂園周圍都放左唔同呎吋的救生衣可以自由取用,幫逸逸著咗救生衣我地就安心好多,不過依件黃色太大,我地後來換了一件細一個碼的。
我地首先係Kiddie Cove同逸逸熱下身先
開始自己滑都無問題先至可以去挑戰較刺激的玩意
仲要扮晒影相其實想佢淋下頭
接住落嚟我地就去挑戰我地稱為大水筒區的RainFortress。看到黃色和藍色的滑水梯嗎?其實都有兩層樓咁高,逸逸竟然都夠膽玩,仲玩咗好多次。但係紅色和橙色滑梯就點都唔肯試,佢話因為成條水管咁完全包住好黑會驚喎,真係估佢唔到。
通常都係我先落,逸逸第二,恆仔包尾。
至於恆仔最鍾情個大水筒,好有興緻咁淋完一次又一次。不過其實仲有好多人都有相同的喜好,見到水筒儲水儲到差唔多滿就會齊集係淋水區,淋完之後又四散找其他玩意。
對於逸逸來說,其實行得到上面玩滑水梯都要先經過好多挑戰,對於怕放頭入水的逸逸都克服咗好多心理障礙先至挑戰成功。至於大水桶,她只肯坐在最遠的位置,不過對於我和恆仔坐在淋水區也非常興奮。
睇下﹗其實逸逸都已經算係勇於接受挑戰架喇~
喜歡刺激和挑戰的我點會安份地留係連逸逸都預膽玩的大水筒?我玩咗可以單人乘坐橙色個條坐水泡玩的的Inner-Tube,以及要磅重及同陌生人SHARE大水泡成個大喇叭咁藍綠格仔的ABYSS,真係好正!至於粉紅色的Free Fall暫時真係唔夠膽玩。
依度其實仲可以試玩滑水,不過排隊的人好多,而且每個人都好似玩得耐耐地,我都唔要兩父女陪我等了。
因為Book左3:45pm玩酒店遊戲室,所以最後我地在水上樂園大約玩到1:30pm就返酒店沖涼再出去吃午餐了。