二零二三年七月十四日(星期五)
逸逸昨天學校才舉辧散學禮，今天就出發去旅行了。
今次要帶兩個行李箱，不過其實我們的行裝也算是輕便，因為主要行李都放在DOG DOG車，而史迪仔行李則主要放露營和浮潛用品，基本上去到沖繩先至第一次打開。
今次我們乘搭久違了的香港航空，曾經有一段時間我們是香港航空的常客，三年前去北海道也是搭香港航空，不過疫情過後還是第一次乘搭。看起來排隊CHECK IN的人龍很長，不過COUNTER也開得多，一直前進的感覺很好，不用半個小時已經辦好CHECK IN手續，今次的經驗比上次坐泰航去曼谷好得多。
因為怕逸逸肚餓，今早出門前已吃早餐，本來只打算只讓她吃了我個餐的甜餐包，明明說不肚餓，結果除了餐包，連恆仔的沙嗲牛麵、炒蛋和茄汁豆樣樣都要吃一點。至於我就當然係吃最愛的雪菜米，同埋嘆返杯久違了美味的翠華忌廉咖啡。
今次又係由逸逸帶路帶我們去登機閘口
今次係疫情後第一次去不用搭無人駕駛列車的登機閘口，依邊原來唔同咗好多，以前的LOUNGE變成咗所有人都可以光顧的McDonald’s和敏華冰廳。
另外，依條接駁去13-22號閘口、機場展望台同埋SKY BAR都好陌生。
今次我們在25號閘口登機，我們的SUMMER VACATION正式開始喇~
聽人講依家香港航空無IN-FLIGHT ENTERTAINMENT，飛機餐亦只有個包，所以我地都做足準備，食飽飽先上機，同埋DOWNLOAD定卡通係IPAD同電話自己安排娛樂俾自己。
點知原來都唔係完全無IN-FLIGHT ENTERTAINMENT，佢仲WORK架﹗仲有戲可以睇，只係老土啲﹗同埋佢唔會派耳筒，只可以睇默劇。不過玩遊戲就完全無問題，我都玩咗好耐無玩過的寵物連連看。
正如之前所講，其實我地預備好自己的IN-FLIGHT ENTERTAINMENT。
我在DISNEY+下載定日本電影《在咖啡冷掉之前》，真係好好睇，而且突然覺得就算飛機有IN-FLIGHT ENTERTAINMENT，也不及自己一早揀定一套自己有興趣又有水準的電影。
飛機餐果然只係得一個包，不過佢絕對唔係一個普通的包，而係熱辣辣而且超級美味的菠蘿叉燒包，佢既高質係如果係舖頭賣會令食客回頭的美味，真係估佢唔到。另外，派包的時候會派一支水同埋飲品，亦有SERVE咖啡或茶。
飛機非常準時，大約4:30PM就到達日本關西機場。我早一日己經填妥VISIT JAPAN WEB，亦已CAPTURE晒QR CODE，過關非常順利。
5:10PM已經來到關西空港駅了。
因為我在KLOOK買了南海電鐵特級Rapi:t車票，所以先去售票處換票，順便買埋兩張成人ICOCA咭和逸逸的兒童ICOCA咭。因為滿座的關係，我們只能換到6:36PM班次的車票，唯有先在機場消磨一下時間。
關西空港駅旁邊停在幾架美食車，正好讓只吃了一個包當午餐的我們食啲嘢。
首先我地食咗炸雞和薯條，兩樣都好好味~
見到人地食燒鰻魚串我又忍唔住試下，好好味呀~
食完嘢就去對面FAMILY MART買嘢飲，逸逸揀依個雜果YAKULT好好味喎~依家係日本好多地方都可以用ALIPAY真係好方便，仲可以即刻睇到用咗港幣幾多錢，唔會好似係韓國時簽咭簽到唔知自己用咗幾多錢。
仲有好多時間，我地去國內線CHECK IN閘口探探路，因為幾日後我地都係返嚟關西機場飛沖繩，點知又有嘢俾小朋友影下相。
KI KI機師與逸逸空姐
又可以扮係停機坪運送行李
我地仲見到無人駕駛的PATROL CAR添呀﹗