二零二二年六月二十四日(星期五)
事隔數年,香港迪士尼樂園終於在2022年6月18日推出全新多媒體夜間城堡匯演 – 「迪士尼星夢光影之旅」,6月17-18日我地去咗露營,6月19日係父親節,於是下一個星期五我們就急不及待的來欣賞。
夏天日長夜短真好,放工食埋晚餐先入園都仲有陽光。
周圍都係迪士尼星夢光影之旅的宣傳品
每次去迪士尼都好開心
逸逸成功自己沖涼洗頭,所以可以入園第一件事就係去舖頭買上次睇中的MARIE公仔,點知搵極都搵唔到,於是去問一個女店員。我話想要”發音:MARY”公仔,佢完全唔知我講邊個,問係咪Mary Poppins;我話係一隻白色的貓,佢又問係咪巴斯光年隻襪仔,最後總結一句迪士尼無一隻叫Mary既貓。
於是我唯有去問另一個年青的男店員,同樣講想要”發音:MARY”公仔,佢周圍望咗陣然後走去搵剛才的女店員,結果女店員成功拎咗MARIE出嚟。原來MARIE發音係MAREE,後面係高音同重音,唔知係咪法文讀法。
不過點都好,雖然佢精通迪士尼人物,不過好明顯同顧客溝通就唔及男店員了。
得來不易的MARIE
今次我地淨係夠時間去玩小小世界,HELLO MARIE~
演出8:30PM開始,大約8:00PM我們就擠去城堡前等候,位置都算係咁~
真係超級多人,開始前半小時每5分鐘都會有不同的光影投射短片,所以等待的時間也不會覺得悶。不得不讚下逸逸,除了播放短片的時間,其他時候她都係自己企無話要抱,又熱又累都願意忍耐,做得好好。
迪士尼星夢光影之旅準時8:30PM開始,這個演出以光影為主題,大型立體光雕投影技術結合水幕投影、激光、噴泉水柱、火焰、煙花及耳熟能詳的歌曲,全長大約20分鐘,分為7個不同章節,以人生不同階段由誕生、成長、冒險、愛情到考驗為主題,包含了近40個迪士尼和 Pixar 的經典動畫片段,當中總共出現約150個動畫角色,
恆仔全程抱住逸逸睇表演,辛苦晒了~
精彩的煙花
投影畫面好夢幻
水幕投影
如果可以企前啲睇就好了
真係超級精彩
大家都睇得好滿意
大批參加者有秩序的慢慢離場,係門口有職員同我地揮手SAY GOOD BYE,好窩心~
塞完人仲要塞下車先可以返屋企