二零二二年五月二十五日(星期三)
這天我放假，逸逸放學後來一趟快閃迪士尼。
今早逸逸在學校影畢業相，所以今日情緒非常高漲。老師幫佢梳咗孖辮仲有紅色蝴蝶結，鍾意到唔捨得拆。
先去TOMORROW LAND~
玩最鍾意的IRON MAN~
見人唔多，順便玩埋飛碟。
由細到大都超級鍾意泡泡，一見到就自動HYPER~
天氣真係好好，依個POSE可以影到大長腿，哈哈~
當愛麗絲遇上愛麗絲，愛麗絲話同逸逸係TWINS，又叫逸逸轉圈俾佢睇，搞到逸逸超級興奮。
去玩小小世界
剛才逸逸話想影咖啡杯，等愛麗絲走咗我地又特登返嚟影。
又嚟追泡泡
好似開心大發現咁，逸逸話第一次知道童話園林有咁靚既地方。(明明之前唔知曾經經過依度幾多次)
最後去玩森林河流之旅
逸逸真係好驚，不過依個係難得佢又驚又要玩的遊樂設施，唔會逃避。
駛唔駛咁大煙~
遇上巡遊，今日係高飛90歲生日呀，高飛生日快樂~
逛逛商店先走，逸逸係度睇中咗隻MARIE，於是我俾咗個目標佢挑戰，就係成功自己沖涼自己洗頭就可以帶佢返屋企。平日逸逸已經自己沖涼，不過就由我幫佢洗頭，對於長頭髮的逸逸嚟講，自己洗頭都幾有難度架，逸逸加油﹗