我的空中瑜伽學習歷程

未結婚之前已經係CALIFORNIA FITNESS玩開瑜伽,婚後玩瑜伽的次數減少但也偶然去玩,懷孕的時候也有參加過孕婦瑜伽班,本來諗住逸逸出世後要做返瑜伽減肥,結果CALIFORNIA卻在當年倒閉了,自此最多都係屋企開YouTube做瑜伽,卻沒有再去上瑜伽班了。

近年空中瑜伽突然變得很流行,在社交媒體看到不少親戚同學也有在玩非常羨慕。可能也已事隔一年有多,在2021年的7月,不知突然那來的幹勁(衝動),在Instagram找了一家在屯門的空中瑜伽教室GRACEFUL MOMENT,地點為於尚算方便的99 Commons,就膽粗粗的自己一個去試堂了。

這次空中瑜伽初體驗非常有趣,覺得好好玩,不過平日對手無乜力的我做完第一個動作已經筋疲力盡,當時覺得減下肥好啲,但當後來再見過比我肥得多的人也輕易在布上面飛來飛去就知道手臂和CORE的力量才是最重要的。

上完第一堂手臂痛了一星期,小腿瘀晒,但感覺極好,其實好有興趣繼續學習。不過老師GRACE不單止唔HARD SELL,甚至會說她一點兒也不進取,竟然試完堂完全唔聯絡我,結果兩星期後我主動聯絡返佢JOIN PLAN上堂。

GRACE的課堂PLAN好FLEXIBLE,不需要每星期固定時間上堂。買了的堂數半年內有效,她每個月會出課堂SCHEDULE,自己跟她預約上堂的時間就可以了,對作為在職媽媽的我來說就非常適合。

2021年8月 (第二堂) – 還是極新手,這是全晚唯一成功的動作,不過影起相上來好靚,每次GRACE都會盡量幫我地影幾張相留念。

2021年8月(第三堂) – 開始上手,自己也感覺到手臂亦開始無弱得咁誇張,感覺到自己進步真的很棒。

2021年8月(第四堂) – 今日條布纏到大髀好痛,唔知係咪真係通到淋巴?玩空中瑜伽真係會上癮,明明咁痛下次又會好想再去。

2021年9月(第五堂) – 今日得兩個人上堂,GRACE同我地做咗啲比較高難度的動作,上面張相已經係今日最簡單的動作。我地今日做咗個凌空360度轉打咗個筋斗,真係非常驚嚇,但估唔到自己又做到喎。

2021年10月(第六堂) – 因為做了個小手術休息了接近一個半月,開始再玩時完全用唔到力,連基本動作都好似第一次玩咁完全做唔到,好彩過多一陣我啲肌肉記返起點做,肌肉記憶真係好神奇。

2021年11月 (第七堂) – 每次玩空中瑜伽都好累,但真係好好玩。當我隻手唔夠力的時候GRACE話叫我當單手抱住個女所以唔跌得喎。

2021年11月 (第八堂) – 好多空中瑜伽的動作要好有膽量,好多時唔成功都係因為我信唔過自己隻手拉得住自己。

2021年11月(第九堂) – 今日妹妹嚟JOIN左一齊玩,GRACE的課堂最好的地方係連個PLAN都可以同朋友SHARE用架,不過今次妹妹用左更優惠的試堂價。妹妹話GRACE好優雅,係布上面既GRACE好似跳緊芭蕾舞咁喎~ (相反我地就非常笨拙)

2021年12月 – 今日好似狀態大勇,好多動作都做得好成功。我俾相逸逸睇,佢話我好犀利,好似隻馬騮咁喎~

2022年1月 (第十一堂) – 隔左個聖誕假無嚟上堂,大吃大喝之下當然肥咗,狀態下滑,本來諗住要好好操練返,點知之後就因疫情關係無得再上堂,下次再分享接近4個月後復課的情況。

Comments

comments

發表迴響

你的電子郵件位址並不會被公開。 必要欄位標記為 *