恆仔一早預約了位於香港仔大道的鮨政慶祝母親節。
香港仔大道也是可步行距離，時間差不多就出發。嘩﹗天空有好多鷹呀~逸逸話要同鷹影相，但係佢地會飛來飛去，最後只係影到一隻。
酒店隔離係城巴的巴士廠，有洗車設施，我地參觀咗巴士沖涼的過程，都幾有趣架，不過當然唔及當年試過坐係架地鐵入面洗車咁有趣喇。
經過鴨脷洲大橋(北端)兒童遊樂場，點都要玩一次滑梯過下癮，後來還成為了例牌菜，每次經過都要玩一下。
香港仔真係好多貓架~
鮨政係OPENRICE的評價都唔錯，佢改依個名不禁會令我想起日本小樽的政壽司。
開飯囉~先嚟張合照先~
我還是第一次飲HIGHBALL，幾好飲，好襯日本食物。
在壽司店梗係要食壽司喇~我地叫咗個特上壽司拼盤，味道正常，沒有驚為天人，但也不錯就是了。
蝦壽司的蝦頭可以炸埋俾我地食
拖羅蔥巻
好美味的汁燒和牛筋，細細碗但好襟食。
銀鱈魚西京燒 – 好味到覺得感動，以前成日都有得食，我會成日叫嚟食。唔知幾時開始銀鱈魚變成貴價魚就好耐無食過喇~
逸逸自己KO咗依碗大烏冬
鮨政的食物整體都不錯，不過我覺得這店的和食比壽司做得更好。
我們在鮨政旁邊的龍珠餅店買左蛋糕，點知舖頭話大特惠送多個紙包蛋糕俾我地，好搞笑~個紙包蛋糕都唔知幾時食好。
母親節快樂
有餐具可以好方便咁分享蛋糕
逸逸帶埋浴球嚟嘆浸浴
逸逸的愛貓KIKI都話要嘆下
可能因為今日行咗好多路，逸逸竟然主動話要瞓覺，然後好快咁瞓著咗~
我可以輕輕鬆鬆咁嘆啤酒睇小說~
同埋靜靜咁欣賞依個咁靚既夜景。