繼舊年約埋阿妹一家一齊去公司的聖誕兒童遊戲日,今年又再一齊去玩。
同舊年一樣,先約埋係V CITY的羅麥記一齊食早餐先~
搭西鐵去錦上路站
再轉接駁車前往八鄉車廠,雖然排隊的人龍很長,不過都算好快就上到車~
我地黎到會場喇~
逸逸好鍾意依個聖誕老人,不過佢見到有D頑皮的小朋友強行將吹氣聖誕老人拉下來,就變得好驚。
同靚靚聖誕樹合照
排隊玩攤位遊戲的人同舊年一樣都係好多,而且明明逸逸比去年重左好多,不過唔知係因為今年的天氣比較舒服,還是我們一進場就專挑排得短的隊伍策略成功,硬是覺得今年排隊排得比較輕鬆。
今年逸逸都可以自主地參與多左遊戲,曉曉就更加可以投入遊戲入面,至於詩詩,就好像去年的逸逸一樣,由媽媽代勞。禮物方面,今年拎多左玩具同埋文具,拎少左零食,實在VERY GOOD﹗
零食即開即食,曉曉慷慨的請逸逸食,謝謝~
詩詩話我都玩得好開心~
今年安排左超級英雄同小朋友影相,不過逸逸同曉曉都好驚。
攤位遊戲券玩得七七八八,逸逸要瞓覺喇,我地去左CANTEEN下面的LOBBY坐低俾逸逸瞓覺,妹妹一家就繼續玩。
原來曉曉去左排隊玩吹氣彈床
今年大了一歲,唔再驚驚,可以盡情享受彈彈跳的樂趣,玩完佢地就走先喇~
逸逸瞓醒之後,我地去左小食亭買D野食,食完再逛一下。
逸逸望住D彈床,不禁高呼”好犀利呀﹗”,逸逸今年的高度勉強達標,不過問佢佢話唔敢玩。不過對於我來說,特別是熊貓的那個滑梯,高到我都唔敢玩。
食埋雪糕我地就番屋企了,我估下年逸逸應該可以玩吹氣彈床,到時可能真係由朝玩到晚。