公司每年都會為員工的子女舉辦聖誕兒童遊戲日，只限有子女的員工購買遊戲券，去年雖然我已ENTITLE買遊戲券，但當時逸逸只有兩個多月大，而且我仍然在放產假，所以今年才是第一年正式參加這個活動。
聖誕兒童遊戲日在八鄉車廠舉行，在錦上路站有接駁車過去。十年前的聖誕兒童遊戲日是在錦上路站對出現在跳蚤市場的位置舉辦的，當時因為放工經過所以也入去參觀過一次，自從活動改在八鄉車廠舉行之後就沒有再去過了。
今次我地約埋妹妹一家一齊去玩，大家約好係V CITY食早餐之後再一齊搭西鐵過去。錦上路站排隊等車的人很多，不過接駁車也是一輛接著一輛的到達，所以也不算等候太長的時間。
一落車逸逸見到吹氣聖誕老人就非常興奮了。
聖誕FEATURE全家幅
超多的攤位遊戲
逸逸都可以參與一下，反正志在派禮物俾小朋友。曉曉表姐瞓左覺，由暐姨姨代勞都無問題。
最好笑的是玩完這個遊戲，攤位義工叫逸逸揀禮物，逸逸竟然想要遊戲用的波波。
巡遊表演
Balloon Twisting
仲有3D畫
聖誕兒童遊戲日主打吹氣彈床
逸逸當然唔夠班，曉曉表姐勉強達標，玩左一款。聽暐姨姨講起初曉曉玩左一次滑梯之後就想出黎，可能太刺激了吧﹗後來暐姨姨話你唔玩滑梯淨係跳都可以，最後順利玩晒成個session。
其實仲可以排隊玩挖波波機
又有表演睇，逸逸睇唱歌表演睇到揮晒手。
見到EDDIE同RACHEL的女兒玟諾，不如兩個小朋友影張合照喇~因為逸逸無時停的關係，這已經是最好的合照。
跟住到曉曉表姐玩攤位遊戲，曉曉大個D比較掌握到遊戲的玩法，而依個時候就輪到逸逸呼呼大睡。因為排隊時間太長，所以每次排隊都所有人各玩一次，先至可以快D玩晒D遊戲券。
玩到中午就走喇，大家都已經好疲累，好彩帶左車仔，曉曉坐又得，放行裝又得。不過如果第時兩個小朋友都可以玩到吹氣彈床的話，可能要係度玩成日呢﹗