食完午餐，我地可以參觀步行區的動物。
因為仍然下著微雨，我地幫逸逸著左雨褸，等佢可以自由地走動。
我地睇左好多動物，不過印象特別深要特別HIGHLIGHT的有以下幾種：
兩隻在打架的牛
睇左好耐的熊貓
逸逸睇佢地食野同瞓覺睇到唔肯走
一直行來行去的中美鏌
會特別落水入面疴屎
不過最恐怖的是這些中美貘成日疴尿，而且尿量驚人，好似開花灑咁~遊人企係以為安全的位置，原來佢D尿會噴到出黎，幸好我們趕及閃避，但都俾佢D尿嚇左一嚇。據爸爸說，這次還不是尿量最厲害的等級呢﹗
張大嘴吧食野的河馬
為了食野，會按住工作人員指示搖頭的斑馬~
毛色真係好靚
仲有猩猩爸爸坐在石頭上面，守護住在石頭入面避雨的妻子和孩子。
好多毛的大猩猩
其實逸逸都驚部份動物，不過假既就完全無問題。
整體來說逸逸今日有少少難搞，因為成日要落地，落地就鍾意踩水窪；對於睇動物興趣一般，反而鍾意四圍跑同埋上落樓梯。好彩有好識得講故事的婆婆一齊，先多左同動物有D交流。
上海野生動物園在冬季4:30PM就關門，我們也差不多玩到最後一刻才離開。今次只係睇左動物，一個SHOW都無睇，不過整體都覺得唔錯，動物都算活躍，遊人唔多，行得好舒服。
在回酒店的路上，逸逸終於睡著了……
係地鐵世紀公園站入面發現了一台自動販賣機，售賣湖南茶陵縣的肖小平種植的橙所制作的鮮榨橙汁，咁有趣當然要試下，恆仔第一次試用他的微信支付。
親眼睇住一個個橙碌落黎榨汁，好有趣~
肖小平種植的橙好甜，值得推介﹗