DAY 13 @ USA

好o野~今日又可以打中文lu，因為有得用康露明部電腦﹗今日其實未一切結束o架，但因為陣間就上飛機lu，所以要打o左先，我坐overnight o既飛機番去new york，跟住星期二就再經首爾飛番香港﹗好掛住爸媽姐同day，仲有其他朋友仔呀﹗16日咁長o既旅程(竟然)差唔多完啦﹗

今日o既行程唔係太多~上晝番o左教會，佢o地個崇拜又唔係太傳統o個種，詩歌敬拜–>聖餐–>講道–>奉獻–>報告–>祝福，就係咁咋~跟住我o地去o左farmers’ market﹗

好熱鬧呀﹗好多攤檔擺滿o左條街，大部份賣o既都係D農夫親自拎o黎o既新鮮蔬菜水果，有好多仲係organic(所以好貴﹗)添，我o地都買o左士多啤梨﹗佢o地俾人試食好闊綽o架，士多啤梨會有成半粒﹗其餘賣o既仲有芝士、蜜糖、bakery、首飾、果汁之類…

首先係個門口影一影先~睇到個大概﹗呀，我件tee係新o架，尋日係rainforest cafe間shop度買，係隻呱﹗好靚啊~

買o左個水果撻o黎食﹗超好味啊﹗上面堆滿了新鮮o既berries(康皓珊不斷堆我食o野﹗哇﹗)~

係咪超靚超大粒o既士多啤梨呢~好甜o架~我o地買o左兩個膠籃o既份量，比香港平好多﹗仲要係organic﹗

仲有好多靚靚o既蔬菜﹗圓碌碌o個D係圓版翠玉瓜﹗

之後番o左屋企煲一煲湯先~早兩日買o左個粉葛，話要煲湯，點知日日都早出晚歸，太辛苦啦，都未煲，如果今日再唔煲就冇我份飲lu~

再出去食lunch，終於去o左康皓珊介紹o既超好味漢堡飽店in and out度食﹗

in and out主張健康o既食物，所有材料都冇冷藏過，漢堡用新鮮牛肉o黎做，薯條都係用新鮮薯仔切成，好好味呀~佢個menu就只有三款飽，普通hamburger、cheeseburger同埋double double (其實即係兩層o既cheeseburger)，三款飽就維持到生意，勁﹗我就咁要hamburger咋，因為驚D cheese會遮住D牛肉o既味﹗

之後就開始shopping之旅lu，因為就快係美國國慶，所以周圍都on sale﹗買o左少少咁多啦~

番來就食康皓珊o既住家飯(其實係烏冬﹗)，仲有老火湯呀，食o左兩件花膠~

好啦，要出發去機場lu~下一篇diary已經係new york寫啦﹗

Comments

comments