今次呢個trip都算係適逢其會，正因為day一月底要去Las Vegas工幹四日，咁就不如趁飛開過去就留低玩幾日咯~我又好好彩攞到annual leave喎，可以頭尾去到美國西岸九日呀~因為經San Francisco飛Las Vegas，所以我哋個trip o既行程就係咁喇：

day 1 香港 -> Las Vegas
day 2 Grand Canyon day trip
day 3 Las Vegas city
day 4 Las Vegas -> San Francisco -> Oakland + NBA球賽
day 5 San Francisco city
day 6 San Francisco -> Muir Woods by 康熊貓珊珊
day 7 Carmel by-the-sea by 康熊貓珊珊
day 8-9 Las Vegas -> 香港

day一月二十九號已經出發lu，所以11個鐘頭o既機程要自己一個人搭咯~

呢架就係我將要坐o既United Airlines班機了﹗check-in前day同事幫我訂機票時已經劃好位了，所以非常好地有路口位坐，不過坐係內地旅行團中間添…

嘩，而家又幾好喎，機場既然有free wi-fi，所以提供埋插頭俾人插住notebook用﹗咁就唔駛擔心唔夠電啦~

呢張standard相一定要影o架啦~

係呢程飛機瞓得麻麻地，話晒啱啱起身冇幾耐，所以我睇咗兩套戲、一本小說、食咗飛機餐三次，好在11個鐘時間都唔太難捱?~

第一套戲叫做「Unstoppable」，day話香港都有上過畫喎，講一架火車因為種種人為錯誤，變成無人駕駛直衝，造成好大危險性咁，當然最後有啲「英雄」出現，解決咗危機咁啦，都幾緊張刺激o既，但睇落好憤怒o既係，如果唔係各人對工作唔認真，咁就唔會發生啦﹗\ >.< /

第二套戲叫做「You again」，講女主角個哥哥將要娶佢高中時代o既死對頭，但佢扮到好似唔認得女主角咁，然後?個未婚妻o既阿姨又同女主角o既媽媽又係少年時期o既敵對關係，初時梗係整下對方，破壞佢?結婚，最終和氣收場咁啦~一般般好睇啦~

睇咗o既小說係「找死專門店」，係法國o既翻譯小說，講好陰沉o既一家人世世代代開咗間舖頭，專賣自殺用品，但對夫婦偏偏生咗個充滿陽光氣息、充滿正能量o既小兒子，令佢?好頭痛，個仔又搞破壞，令啲想自殺o既人唔想死，結果佢逐漸感染到啲家人，令大家變得積極~都幾有趣，又會俾個作者諗到?奇奇怪怪o既自殺用具喎，令人不禁睇到笑嘻嘻~

United Airlines o既飛機餐就認真麻麻地喇，三餐之中得一份係正常size，不過第一個lunch都唔錯o既，除咗主菜之外，又有新鮮o既菜沙律同埋apple crumbles做甜品，但另外兩份都勁細囉，snack係一個係比合味道更細o既杯麵，而breakfast就係一份好細o既麵條咋~

安全抵步San Francisco，但要等五個鐘先至轉機去Las Vegas﹗上網用盡佢45分鐘free wi-fi，逛晒所有候機室o既舖頭，仲有好多時間剩，肚子又勁餓，忍唔住了，雖然勁貴，但都係食少少嘢啦~

我係San Francisco Soup Company度買咗個New England Clam Chowder嚟飲，奉送一個包包，呢啲麵包o既特色係帶少少酸味，又勁硬喎，唔鍾意呀~好在個湯o既味道ok~anyway，總算填飽肚子啦﹗好在有食嘢咋，day後來message回覆我，原來前往Las Vegas一個幾鐘o既航機上面係冇飛機餐食o架~如果冇食嘢就要餓到去Las Vegas o既酒店lu，which is已經下晝四點幾﹗

Las Vegas天氣勁凍喎，著住羽絨都覺得好凍呀，又未係隻喼度拎冷帽冷手襪出?喎~因為之前day有同我講過，好順利搭上US$6.5 o既shuttle去到我?入住o既酒店Circus Circus~因為Circus Circus同佢哋參展o既exhibition有合作關係吧，好似以US$35一晚左右o既價錢益下大家，我哋會係呢度住兩晚囉~

check-in上咗酒店房冇幾耐，day佢哋都工作完畢返來酒店lu~我哋今晚會同佢啲同事們食dinner，同埋會去Bellagio酒店睇Cirque du Soleil(太陽劇團﹗即是而家係澳門威尼斯人上映緊Zaia嗰個世界性劇團﹗)o既「O」show，我哋一早係香港就上網買好門票lu~

由Circus Circus行路過去Bellagio o既路程都唔短，但我哋中途停低食dinner啦，之後又沿途睇下嘢咁，都幾好~dinner去咗食日本菜，我其實都覺得少少怪怪地，去到美國第一日就食日本菜，不過佢哋已經食?好多日o既膩膩美國菜，所以對住亞洲美食已經好飢渴了﹗

呢間叫做Rock o既日本菜係韓國人開o既，質素都唔錯，我同day叫咗一份壽司拼盤同埋一份蝦炒飯嚟share，但都不及Gregory同埋Jane各自叫o既定食咁抵喎，有齊晒白飯、餸菜、前菜、壽司、天婦羅、沙律，樣樣都有水準，而且賣相都好~讚呀﹗

我哋之後繼續行都仲經過好多間酒店先到Bellagio，途經有啲戶外o既表演，其中我哋停低睇咗一陣Treasure Island o既海盜表演，day佢哋早幾日睇過一次，話有啲衣著性感o既美女跳舞喎，我話，咁咪好好睇囉，但今日天氣咁凍，咪好慘？

到佢哋極其量著住短褲、bra top、外面有件外套之類，day話佢哋著多咗了~

heehee~其實賣點又唔係淨係衣著性感o既~仲有震撼o既沉船機關，都幾犀利﹗

去Bellagio睇show沿路經過華麗o既strip(即Las Vegas入面充滿全部華麗賭場酒店o既一條大直路)，包括威尼斯人酒店，最令人驚訝o既係，原來同澳門嗰間真係幾乎一模一樣呢~

Las Vegas：

澳門：(攝於12/2010澳門買戒指之旅)

Las Vegas：

澳門：(攝於12/2010澳門買戒指之旅)

wow~真係勁忠於原著囉~

好喜歡呢個﹗又會咁啱o既？﹗「David」o既大poster咁咁就放係「Rita」o既大poster旁邊喎~一定要影下啦﹗雖然唔知佢哋係乜水…:p

終於去到Bellagio lu~時間都趕趕哋，都冇機會慢慢欣賞佢華麗o既外觀同埋最出名o既噴泉，好在我哋第三日有再去，到時再介紹俾大家聽啦~我哋都直奔「O」show o既theatre了﹗

「O」已經係呢個劇場o既恒常演出了，個舞台都係專for呢個show而設計的﹗個橢圓型o既頂中間有個螺旋形框架，開頭諗住只係裝飾用途，點知一開show就已經有演員係上面吊落嚟，做一啲緞帶凌空o既優美動作了~

呢個紅色布幕都好重要﹗開場時揭開個幕o既安排，簡直令我哋兩個非常驚異﹗華麗到呢~即刻明白點解最平o既飛都要US$102﹗

期待中…

個演出唔可以影相﹗所以得睇咋~「O」係水為主題o既show，配合音樂、舞蹈、韻律泳、跳水、雜技…故事性唔強，但主要就係美感﹗美感﹗同埋美感﹗演員都著住華麗o既服裝，道具又精緻，加上神秘、懸疑o既音樂，一幕幕o既畫面都好靚~我最鍾意跳水嗰一part﹗不過嘛，因為時差仲未過，係飛機上又瞓得唔好，我居然恰眼瞓呀，好似好浪費咁添~哎吔吔~我諗睇咗八、九成左右啦~所以我諗下次去澳門水舞間應該都仍然吸引o既~

睇完show梗係去紀念品店逛逛啦，大家都有斬獲，我就買咗隻水壺~

待續

前往其他美國旅遊blog

Comments

comments