之前一早已經喺Klook見到黃金海岸有個期間限定吹氣彈跳樂園，離屋企咁近，梗係要去玩下啦，本身諗住平日下晝去，入場費又平啲又少人啲，點知聖誕前一直忙到聖誕後，搞搞下終於過年前先嚟玩~

我哋喺Klook買定門票，之前見有全日任玩套票或者一小時入場，唔知係咪因為假日呢？只見到有一小時入場，其實一小時都夠晒啦，全力玩的話一個鐘已經冇晒力~

今次Jumptopia吹氣樂園最大嘅好處係，大人小朋友都可以一齊玩，冇乜規矩，大家都好守秩序，人又唔多，玩得安全又盡興~

今次全場最好玩一定係呢條長滑梯，左右各一條，可以loop住玩，sir完左邊呢條，可以即刻兜去右邊嗰條繼續non-stop咁玩~非常正嘅體能活動﹗

有時就要搵個陰涼少少嘅位置休息一下~我哋玩12:30中午session，烈日當空，我就著咗短袖tee喺衛衣入面有得除，兩個小朋友就熱啲喇~

上次去韓國佢哋有得玩波波池，今次我都有份啦~

陰涼嘅地方…最好就係休息﹗yeah~

暫時見到Klook賣飛賣到一月三十一日，係咪之後就收喇？如果開耐啲，可能會encore呢~

Comments

comments