1-10-2015:曉出遊注意day 1(part 1).大澳文物酒店

自上次陀住曉嘅babymoon以來(請參閱:12-12-2014:台北babymoon day 1.難得貴賓體驗),一直未有旅行機會,所以曉一出世就密謀要去旅行,其實係未出世已經盤算緊幾時可以第一次去旅行,真正搭飛機嘛,我哋知道馬來西亞嘅夏叔叔小女兒會下年一月結婚,我哋一家會去飲喜酒,呢個trip都ok肯定,但真係要等到一月?既然day生日係假期,不如我哋就去個短短trip牛刀小試先啦~

既然去澳門一趟都唔少錢,而且第一次帶住曉出遊要周圍行都幾累,加上之前係Facebook見到有個同事帶個仔去大澳,影出嚟啲相好靚(不過佢不嬲影相都超靚﹗),我哋都可以考慮喎~於是我就book咗一晚大澳文物酒店,連早餐晚餐package,因為想似「去旅行」,我哋個package仲包埋一個大澳tour㗎~呢個就作為day嘅生日禮物啦﹗(某程度係想滿足本人嘅去旅行欲望⋯:p)螢幕快照 2015-11-09 下午3.29.26

我呢個人真係大安旨意,諗住去離島一定係去中環搭船,出發直接係屋企樓下跳上過海巴士,咁當然再一次撞板啦⋯去到碼頭先發現,冇去大澳嘅船嘅?﹗即刻先上網search,oh no no,原來屯門有船過去﹗﹗老公真係錫我錫到燶,依然處之泰然,哦,咁我哋去梅窩搭巴士啦,sorry壽星仔,居然第一個活動係行大運~今次係曉第一次搭船,但呢個人仔可能連自己搭過船都唔知吧?因為一直豬豬豬⋯那管我哋係船上食埋Citysuper嘅便當同沙律~

IMG_9145

搭船+搭巴士都要兩個鐘,下晝四點左右我哋終於到咗大澳了﹗曉都醒咗啦~平時有街渡來往巴士站同酒店,原來假日全部船都用嚟載遊客去睇海豚,我哋唯有行路去啦~行過一次唔算遠,之後出入幾次我哋都係靠雙腿啦﹗螢幕快照 2015-11-09 下午3.29.31

行路有行路嘅好處,除咗可以睇下風景、影下相之外,仲可食周街買嘢食,呢個桂花砵仔糕都好芳香呀~曉原本係咁幫住我個方向唔望鏡頭,sorry其實佢係望住舊砵仔糕,我唯有移舊砵仔糕向鏡頭嗰邊啦,哈哈~

到咗酒店嗰邊一直都超級多遊客呢,原來即使唔住宿,去大澳嘅遊客都會專登行埋過去酒店嗰邊--即係舊大澳警署--去觀賞呢個殖民時代嘅古蹟~我哋都舟車勞頓了,所以直接check-in上房休息先啦~螢幕快照 2015-11-09 下午3.29.36

房間好靚呀~外牆重新修葺好靚,房間全新裝修都好靚,而我哋特別request嘅bb床都已經一早預備好啦,仲大過屋企曉自己張床添呢~媽媽要做嘅第一件事--換片片﹗因為up咗好多個鐘了,曉都辛苦啦~螢幕快照 2015-11-09 下午3.33.33

呢個壁爐唔知以前係咪真係會用嘅呢?香港天氣咁暖應該唔需要吧?今日有冷暖氣,呢個肯定係裝飾之用啦~

螢幕快照 2015-11-09 下午3.33.39

浴室都好時尚舒適,仲有我喜愛嘅大浴缸,不過事情並冇我想像之中發展得咁順利呢,食完晚飯諗住同阿女一齊浸浴⋯點知⋯請留意下一篇blog﹗螢幕快照 2015-11-09 下午3.32.37

曉都試下佢張床床先﹗good﹗夠大夠闊,轉身、張開腳都冇問題﹗螢幕快照 2015-11-09 下午3.29.40

房間咁舒服,真係想hea多陣先出去行丫﹗好好享受下一家三口嘅私人空間~曉睇緊咩書書?

螢幕快照 2015-11-09 下午3.33.51

就係呢本講舊大澳警署活化成大澳文物酒店嘅歷史書﹗圖文共茂都幾好睇~圖入面就係我哋住嘅呢間Sea Tiger啦,原來以前係警官宿舍~

螢幕快照 2015-11-09 下午3.30.40

房間唔單止我哋覺得舒服,呢個人仔都覺得舒服,就等你瞓醒埋先至出去逛啦~

螢幕快照 2015-11-09 下午3.31.20

我哋住嘅Sea Tiger~單邊位,如果開晒啲窗的話有兩面牆都望全海景呀~

螢幕快照 2015-11-09 下午3.29.44

房間對出嘅海景~

螢幕快照 2015-11-09 下午3.31.05

有啲椅放係每間房外面,可以坐係度欣賞下海景,但呢兩日天氣都幾熱,我哋都係入房歎下冷氣實際啲~

出發﹗

螢幕快照 2015-11-09 下午3.30.28

以前嘅羈留室係reception嗰度,而家變成賣紀念品嘅地方~螢幕快照 2015-11-09 下午3.30.12

酒店外觀~曉大概呢個時期開始識得望鏡頭呢~螢幕快照 2015-11-09 下午3.31.24

建築物左邊嘅部份係舊建築活化翻新,而右邊嘅玻璃屋餐廳應該就係全新的了,我哋嘅晚餐同第二朝嘅早餐都係呢間Tai O Lookout度享用~螢幕快照 2015-11-09 下午3.31.09

一、二、三,笑笑﹗螢幕快照 2015-11-09 下午3.30.32

點都影下個招牌啦~

螢幕快照 2015-11-09 下午3.31.29

呢個大光燈好似係以前用嚟照啲船嘅?螢幕快照 2015-11-09 下午3.30.07

經過賣薑汁豆腐花,餓又唔係好餓,但去旅行,即使係小旅行都會想掃下街﹗又香又滑呀~螢幕快照 2015-11-09 下午3.30.36

大澳文物酒店嘅鄰居係少林寺嘅武術學校,可以參加短期體驗課程㗎,有個真係由少林寺嘅師父仔嚟駐守指導呢~螢幕快照 2015-11-09 下午3.30.44雖然冇同大澳診所嘅同事同熟,點都唔會白撞入去say hi,但都好奇係外面望下,終於得見廬山真面目,呢個神秘嘅醫生返兩日放四日,24小時運作嘅診所,我哋市區clinic嘅人都總會覺得好奇呢~

天黑了,我哋返去酒店,預備享用美味嘅晚餐啦~

前往其他香港遊樂blog

Comments

comments

2 關於 “1-10-2015:曉出遊注意day 1(part 1).大澳文物酒店” 的評論

  1. 酒店同周圍嘅景都好靚,唔使坐飛機,就有外遊度假嘅感覺,又包埋晚餐同早餐,就當去澳間玩好了,其實都唔錯吖。

    • 係呀~當去短線旅行﹗
      我都想去住下黃金海岸嘅主題房好耐,價錢仲平好多啲,礙於酒店個view同屋企差唔多,價錢一晚已經等於屋企租個單位一個月嘅十分之一,一直都未行動,睇下嚟緊個夏天會唔會去住下啦~

發表迴響

你的電子郵件位址並不會被公開。 必要欄位標記為 *