成日聽啲patient講飲糖水測試(耐糖測試)啲糖水甜到苦，飲到想嘔，自己終於有機會試下了～
而家唔係間間醫院都universal有得做測試，但risk factors之中我都有一項，懷孕前有超重丫，所以我都係想check穩陣啲﹗
今次要空肚抽血，飲糖水後一個鐘同兩個鐘再抽血，總共三次，同平時我哋幫一般成年人用嘅protocol唔同，不過之前聽啲seminar時都有聽過呢件事，ok啦，我啲血管易搵，都唔會太痛～空肚子去檢查冇問題，飲超甜糖水都冇問題，姑娘已經預備好糖水2杯，要全部10分鐘之內飲晒，第一兩啖我飲落甜得嚟唔太難飲，見有咁多就咕嚕咕嚕連吞幾啖，嚇得姑娘叫我慢慢飲，佢怕我會嘔～飲嘅時候都唔覺，但飲完兩大杯之後坐低休息反而就個胃開始悶住悶住了，梗係啦，空空嘅肚子只裝住一肚子水同大量嘅糖，哎吔，要忍耐唔好嘔，唔係下次可能要重頭嚟過﹗做啲嘢分散下自己注意力啦，帶咗小說去睇，但啲椅子坐得不太舒服，打機又冇咁多「力」，呢兩個鐘真係好難捱呢～好不容易終於完成檢查，第一時間衝去食嘢丫﹗﹗食完舒服晒～:D希望檢查正正常常啦～如果唔係剩低呢14個幾星期就慘慘了～
前往其他懷孕扎記blog