24-9-2014:懷孕扎記9w4d.保胎中藥之大赦

自從今年年頭第二次小產之後,就開始睇中醫,對於邊度中醫好我都no idea,既然公立醫院之中standard最好嘅係大學醫院的話,相信睇中醫搵番大學附屬嘅診所應該穩陣啲,所以係冇人介紹之下我盲中中去咗睇浸大中醫~由第一次睇婦科嘅李曉光醫師,而家跟咗佢都有大半年了,好細心又肯聽病人講嘅說話,真好~IMG_4998

我嘅藥藥⋯

細個時怕飲苦茶,怕飲藥材湯,之前都有講過,人生第一次亦係唯一一次飲廿四味就係人哋涼茶鋪對開個坑渠蓋馬上嘔晒出嚟⋯我都估唔到後來有決心嘅我可以飲中藥飲得咁叻﹗初初時唔習慣我都會買啲乾果、奶油梅嚟送藥,但嗰陣又減緊肥嘛,唔想攝取咁多甜嘢,後來就咁飲完中藥都面不改容,連清水都唔駛飲啖都ok了~

但到咗近兩三個星期,唔知係因為睇到終點(因為醫師話飲到12週就ok了),定係想嗲下老公,還是真正嘅作嘔作悶影響咗我嘅飲藥能力,每一日兩次嘅飲藥時間我都痛苦得不得了,望見沖劑剩低落嚟飄浮嘅顆粒就想嘔,未聞到啲藥心裡面諗起陣味又已經想嘔,飲到一半未落隔又想嘔⋯仲要搞到老公話同我辦個星星獎勵計劃添,倒數住飲嘅藥嚟盼望佢提供嘅獎賞⋯但諗到仲要飲多36次就覺得遙遙無期~:(

呢日去咗覆診,醫師見到最近狀態唔錯,居然大赦﹗﹗可以減藥丫﹗一日一次就ok了~由36次大幅減至18次,即刻充滿希望啦~啦啦啦~BB呱要乖乖生長呀,媽咪錫錫~

前往其他懷孕扎記blog

Comments

comments

4 關於 “24-9-2014:懷孕扎記9w4d.保胎中藥之大赦” 的評論

  1. 中國古代的醫書強調「是以聖人不治已病治未病」,好的大夫是教人保健為先,治病是補救的工夫,是末技。所以,中醫在保健、調養方面,的確有其獨到之處。

發表迴響

你的電子郵件位址並不會被公開。 必要欄位標記為 *