去完夏威夷果仁工廠之後我哋就正式進入Hawaii Volcanoes National Park了﹗睇火山都有好幾個景點,跟鴨仔團嘅我哋只好乖乖坐係旅遊車等帶去~第一站係熔岩湖﹗
呢個介紹咗熔岩點樣噴出嚟成為湖水一般嘅狀態~
原來呢啲lava tube有好多,但好好保存同埋打理俾遊客參觀嘅就唔多,入面陰陰暗暗潮潮濕濕的~諗起當年去沖繩嘅玉泉洞呢~不過玉泉洞係一個鐘乳洞,性質上當然唔同啦~(請參閱:19-8-2007:沖繩2007第四天@玉泉洞、流球王國)
我問day做乜影啲花槽,佢話呢啲石應該係火山熔岩一樣嘅石頭砌成吧?
之後司機帶我哋去參觀各種唔同形態嘅熔岩﹗原來有啲熔岩似brownies,有啲似牛便便,係因為佢哋係唔同溫度凝固呢~先去睇brownies熔岩﹗
好勇敢丫,係惡劣環境之下,泥土都冇乜之中都可以發芽生長,加油﹗
隨便都好似做到大力士咁﹗哈~
夏威夷Kilauea火山都算係全球數一數二活躍嘅火山,根據wiki資料,20世紀就噴發咗45次﹗所以大島嘅海岸線不斷改變同擴大呢﹗天然填海ing~司機話,有氣象單位每日監測火山嘅動態,有咩風吹草動就會發出通報,但instead of逃命,而家啲人反而係睇下點樣湊熱鬧,欣賞呢個既壯觀宏偉但又危險嘅活火山﹗
頭先講過,除咗brownies熔岩之外,仲有牛屎熔岩(sorry,兩個名都係我改的)~
一望無際咁遠都係牛屎熔岩丫﹗
btw,我哋後來去博物館度睇,先知道兩種熔岩嘅正名﹗原來brownies叫「Aa」,可以堆積到10米厚,牛屎叫「Pahoehoe」,一般只有1-2米厚~佢哋唔同嘅外表係同佢哋唔同嘅溫度有關~:)
我哋參加嘅Roberts Hawaii嘅網頁:
https://www.robertshawaii.com/
夏威夷火山國家公園官方網頁:
http://www.nps.gov/havo/index.htm
待續
前往其他美國旅遊blog
Lava tube 真的好特別!~好難想像是點形成 :)
如果岩漿流過又點會有個洞呢可?要問問geography人~
比起我們在鹿兒島看到的火山熔岩,夏威夷的國家公園裡面的熔岩更壯觀。
鹿兒島係咪活火山?Kilauea咁大範圍咁多唔同型態嘅熔岩都同佢活躍度有關吧﹗
這個火山國家公園看到的跟平常看到的地熱很不一樣呢,很厲害~
覆蓋範圍好闊,熔岩形態好多樣化,大開眼界~
請問你這DAY TOUR是多少$?
你好Jeanvele﹗歡迎你到我個blog~
我哋參加Roberts Hawaii嘅Hilo Volcano Special Tour,即是呢個網頁:
https://www.robertshawaii.com/island-hopping/od-hilo-volcano.php
每人US$415,包來回威基基酒店接送+來回Oahu/Big Island機票+全日旅遊巴+入場券~餐飲、小費就唔包﹗七點幾威基基出發,返到嚟酒店十點幾啦~tour標價感覺都幾貴,不過咁充實又連機票都覺得ok嘅~