14-12-2012:斯里蘭卡day 7(part 2).混亂市場.豐富博物館.必去Odel買手信@Colombo

我哋離開Galle Face Green,去下一站Pettah Market,根據旅遊書介紹,Pettah Market乜都有得賣,包羅萬有,咁去旅行當然想睇下人地地道o既生活啦~SONY DSC 呢張相有趣o既地方係,一家人五個人一齊去旅行,一人拎住一部相機/手機,結果就會咁…大家都影影影,影埋啲差唔多o既角度,呢個都唔緊要,但返到去睇相睇到嘔﹗﹗我而家揀啲相嚟寫blog都係開住三個folder嚟揀o架~ 其實我哋都唔係好sure Pettah Market究竟係一座building定係一啲露天o既攤檔,所以落咗tuk tuk之後都左望右望睇下有冇hint…SONY DSC 哇,好多椰子呀,呢啲金黃色o既椰子我哋都係後來去到南部先第一次飲到咋~SONY DSC 呢度旁邊係火車站,吸引我哋o既係個價錢牌,搭火車真係平得好交關﹗﹗SONY DSC 最初以為呢個World Market Complex就等於Pettah Market,入去睇睇,貨品都不甚吸引,比較舊式,衫呀甚麼都係香港人唔會買o既款式咁~DSCN5494 交投都唔算活躍,我哋之外逛街o既人唔係好多~DSCN5503 後來出返嚟我哋先去到真正o既Pettah Market,原來係一個area有好多條街縱橫交錯,由好多小店同地攤子組成~呢度就真係好熱鬧了,人多車多,印象深刻o既係啲人好落力叫賣,賣o既嘢又真係乜都有,濕濕碎碎o既家電產品廚房用具,食得唔食得都一大堆,我哋睇落有趣係因為,一眼就辨認得到,其實大量o既貨品都係中國製囉~勁﹗係呢度令我諗起孟買o既Crawford Market~(請參閱:14-4-2008:孟買四圍遊)f12890432 冇乜戰利品呀,買咗一袋柑行下食下咁囉~會唔會柑都係中國貨?DSCN5504 嘩,有婚紗店呀,當然唔係全白o既婚妙,而係紅檔檔o既結婚saree啦~ 下一站我哋去博物館—-Colombo National Museum~

http://www.museum.gov.lk/web/index.php?option=com_regionalm&task=regionalmuseum&id=6&Itemid=73&lang=en

博物館本身冇話特別深刻,但由Pettah Market去博物館嗰程tuk tuk就叫人印象難忘了,事關我哋分兩架tuk去,爹媽先出發,我哋同司機講好地點,佢開個價我哋隨便還一下價,覺得ok佢哋就出發了~之後我同day同家姐再截另一架tuk,諗住不如試下跳錶o既tuk啦,睇下價錢差幾多,咁我哋同有架tuk tuk個司機講好話用跳錶,佢都冇異議就上車,我都唔係好覺佢按個錶囉,行咗冇耐佢話個錶「not working」就獅子開大口講一個價錢,好似係爹媽嗰架tuk o既兩倍左右,我哋當然唔答應啦,還番爹媽架車嗰個價,佢又起勢咁nonono,我哋要出動到話跳車,佢先肯﹗﹗﹗咁爹媽嗰架個司機既然爽快應承,咁即是冇委屈佢啦,只差在可能原本載到水魚(外國遊客),唔能夠「合理地壓榨一筆」有啲心有不甘吧?所以去到博物館我哋都數好exact銀碼o既$$,塞俾佢就馬上飛快落車了~落車都一肚氣丫﹗ f12921216 博物館係一座新簇簇白雪雪o既歐洲式建築~combine museum 同好多印度o既景點一樣,呢度每部相機都要買票入場,所以我哋只買一張,影相就交俾我哋o既史官啦~呢度對於相機門票都幾緊張,行行下真係會有人查票囉~ 展品多數都係同宗教有關o既文物,我之前去過印度,自自然然又會暗地裡係度比較比較~其實展出o既文化都唔少,但展示方法比較傳統、舊式,都係一個個玻璃箱展出唔同年代唔同背景o既東東,interactive的、多媒體的展品當然欠奉了~combine sri lanka language

去時都好奇究竟斯里蘭卡人係講咩話o既呢?我哋外國人見佢哋啲字咪覺得鬈下鬈下咁囉,但你仔細睇下,左同右o既兩款文字其實唔係好似o架,左邊嗰款更加圓嘟嘟一啲,其實兩種官方文字分別係Sinhalese同埋Tamil,當然,英文都非常廣泛地被使用啦,所以我哋去到問題都唔大~f13963520

自拍王一張做個紀念先~

睇完博物館都到咗lunch時間,見博物館附設cafeteria,睇下啱唔岩食啦~f14020352

去埋廁所,哇,咁巴閉有外國人廁?難度本地人廁真係咁唔見得人?定係佢哋用廁所o既習慣好唔同所以唔方便share嚟用?combine lunch

呢個午餐印象都幾深刻,繼上次係Nuwara Eliya食過o既小餐館之後,今餐係另一餐非常local o既食物,我哋稱之為「C餐(斯餐,in contrary to西餐同埋中餐)」,爹爹話唔餓,所以佢淨係食咗左下o既兩件bakery,我哋就要食飯喇,有雞飯同埋素菜飯兩種,咁以香港人角度,雞飯即是只有雞同埋飯,咁不如每樣叫啲share嚟食啦,點知原來雞飯同埋素菜飯o既分別就係,雞飯係素菜飯上面加多一件雞,早知全部都叫雞飯啦~其實講送飯嚟講,啲素菜調味通常較濃,如果唔係辣到食唔到冇肉類都送到飯,今餐都ok,但今次雞真係少得可憐…仲有我記得呢度啲飯係有鄉土味的﹗汽水都係比香港飲o既細枝啲,所以我都要兩枝至解到渴丫~f14104448

博物館附近o既市容都有文化氣息啲,有啲賣畫o既攤子,又有啲新穎啲o既建築物,又有大大個o既公園,我都冇post出嚟了~SONY DSC

路過一間清真寺,雖然唔入得去參觀,但見到啲鴿…哇,多得好恐怖丫﹗SONY DSC

非常斯里蘭卡的畫面,tuk tuk + 市鎮路中心的鐘樓~SONY DSC

呢個真係唔可以唔介紹,我哋誤打誤撞去咗呢個超正百貨公司–Odel﹗﹗

http://www.odel.lk/

如果你去過斯里蘭卡,你可能都會發覺唔係太多souvenir會買得落手,我哋之前買得高興o既就只有紅茶,而買咗幾件象tee其實都不太滿意,而返到嚟香港只會係屋企著or去做運動之類~但去到Odel就高興lu,有好多好精美o既souvenir同埋其他貨品,食得唔食得都有,香港人會鍾意的,對比斯里蘭卡o既物價呢度啲嘢可能算好貴,但對比香港物價嚟講就唔係問題~f14254272

因為我同day傍晚就要出發去南部,所以同爹媽姐係度stay咗一個鐘左右我哋就截咗tuk tuk返酒店拎行李啦,因為一早安排好包車載我哋過去位於Talpe o既海灘酒店~對於未能係Odel好好shopping一下感到遺憾,所以我哋最尾嗰日又返咗嚟啦,呵呵~

待續

前往其他斯里蘭卡旅遊blog

Comments

comments

在《14-12-2012:斯里蘭卡day 7(part 2).混亂市場.豐富博物館.必去Odel買手信@Colombo》中有 4 則留言

  1. 在ODEL百貨公司買了大象T恤、匙扣及裝飾品,既漂亮又便宜,做禮物還很受歡迎呢!

    • 所以我話一定要推薦香港人去囉,係其他地方的souvenir太唔吸引了﹗旅遊書又冇介紹,唔講真係唔知道~

發表迴響

你的電子郵件位址並不會被公開。 必要欄位標記為 *