12-4-2012:首爾濟洲櫻花遊day 5.Heyri Artvalley.Nanta

呢日o既行程係我今個trip之中其中一日最喜愛o既行程,最主要係新鮮啦、出乎意料之外啦、同埋確實都好有趣o既,今日o既兩個重點項目我都要同大家推介,如果你打算去首爾旅行,都好值得考慮一下﹗首先一大早我哋要搭飛機返首爾咯~酒店唔包早餐,所以要係機場解決咯,呢個紫菜包飯係呢個trip o既唯一一次紫菜包飯~day拎住嗰個東東,又係之前出現過o既「電子號碼牌」,你的食物ready,個牌就會震了,唔駛用咪叫嚟叫去,用餐環境都寧靜得多~

濟州機場唔大,我哋直接步行上飛機,可以用架濟州航空o既飛機影張近o既合照﹗我都幾鍾意呢張登機証,薄薄地、簡單印刷、資料已經齊全,反正張登機証又只係用一次,唔駛太精美啦~goodbye濟州~唔知幾時先會再嚟lu~我哋抵達首爾,先去酒店放低行李先~

今次book咗梨泰院o既IP Boutique Hotel,我都覺得呢間酒店唔錯,行去地鐵站只係5分鐘左右,樓下又勁多靚靚食肆,對面馬路間汗蒸幕仲要係「秘密花園」入面金洙元同埋吉蘿琳第一次交換身體嗰間(故事講佢哋係濟州交換,事實上取景係呢一間汗蒸幕﹗)﹗﹗﹗我哋本來打算會去呢間汗蒸幕o架,但後來我病咗,取消咗好多行程,冇辦法啦,下次再去啦~

梨泰院附近有好多靚靚餐廳~其實對於每一日o既行程,我哋都冇咩特別要求,總之就係隨心,今次係想睇櫻花啫,有鑑於首爾o既櫻花期仲未非常之到,我哋決定越遲去睇櫻花越好~咁今日得半日,去邊?我哋今次其中一本旅遊書係「跟著韓劇遊首爾」,識我o既人都知我好鍾意睇韓劇,仲要越來越迷+越來越熟悉韓國文化,既然要食個lunch,不如食個特別o既lunch順便「朝聖」一下啦~

我哋跟住本書教o既路線,落咗地鐵再轉巴士,上咗呢架2200號,去邊?唔知喎,好似第七個站左右落,唔怕唔怕,我哋有站名~巴士開咗之後上咗高速,我哋開始有啲驚驚地,因為連續行咗45分鐘都冇停過站丫﹗﹗﹗咁即是我哋去咗勁遠o既地方?我哋o既目的地,係一個叫做Heyri Artvalley o既地方,雖然落啱咗巴士,按住指示搵到我哋想去o既餐廳,但實質上係地球上面o既邊一個位置真係no idea~記得係途中,我哋有見過路牌指示我哋去咗「Paju(坡州)」,後來我哋再search番google map,先知原來Heyri Artvalley o既位置已經勁近北韓﹗﹗噢,好誇張~仲有一個挑戰,就係day係巴士上面呼呼大睡(佢真係零戒心)﹗已經唔知幾時落車啦,如果我都瞓著埋咪si kel kel?

搭咁耐車就係嚟呢間咁靚靚o既餐廳…

有咩特別?

喜愛韓劇o既朋友有冇覺得有啲似曾相識?陣間開估﹗

即使冇睇過嗰套劇,單睇環境同埋食物我都覺得值得嚟下呢度o既~我哋叫咗兩人set,真係湯、餐包、沙律、主菜、甜品、咖啡一應俱全﹗樣樣味道都好~

要講一講中間個酸菜,我記得韓劇「Pasta(好似有其他譯名)」入面阿chef曾經好不滿韓國o既西餐廳鍾意放呢啲咁酸o既pickle同pasta一齊上,確實,香港唔流行呢樣嘢我哋都唔係太習慣~話說食到main course時其實我個人已經唔係太清醒,因為當時「缺啡症」發作,我勁眼瞓+勁頭痛,望住美食都冇乜心情食…於是…好odd地…

個pizza一啖都未食,我哋叫waitress上咗個咖啡先~:p唔醒神一下真係浪費晒啲食物…


食埋個雪糕就perfect了~ 😀

開估啦,其實間餐廳就係韓版「花樣男子」入面神話高中呢間貴族學校o既canteen嚟o架~yeah~~~~~~~~同劇入面一模一樣丫﹗之後我哋周圍參觀下個藝術村﹗

話明叫藝術村,所以周圍充滿住好有特色o既建築物,而且隨處都有藝術創作~

睇一睇個地圖,我哋參觀咗o既真係冰山一角﹗成個Heyri Artvalley,有藝術家o既studio,有museum,有學習o既地方,有商店,我後來睇番個website,大家要留意,原來星期一休息o架~我哋選擇咗參觀一個特殊藝術o既museum~

好多俾遊客參與其中o既作品~效果都唔錯丫~

雖然上次係日本o既白濱都參觀過類似o既museum,但今次一樣睇得津津有味~

除咗有museum,仲有個大型mall complex~當然,亦繼嬻只係冰山一角…

有小朋友學嘢o既地方,又有靚靚鋪頭同埋工作室~行極都行唔完…

時間有限,我哋要趕番首爾晚上睇show~好鍾意呢個巴士站﹗個電子顯示牌可以睇到仲有幾耐架巴士到,都好準o架~

“19”>我哋買咗弘大場館o既「亂打show」門票,所以早啲嚟到弘大,搵好咗地方先穩陣啲~另一樣嘢一定要推介o既係,我係呢度附近買咗對鞋仔,牌子叫「Le Bunny Bleu」,原來係美國牌子,最近係香港Hysan Place聽講都有分店了,朋友話係呢度平過香港好多丫~我買咗去白色便鞋,呢個2012年o既夏天我幾乎每日返工都著住佢了,因為實在太太太舒服~ 🙂

如果去過韓國好多次都未去睇亂打show,下次一定要去了,呢個show係敲擊樂+默劇,演員數目一隻手數得晒,但佢哋都非常專業同投入,你可以感受到佢哋o既熱情同埋汗水﹗觀眾們都睇得好投入,咭咭咭咭咭咁笑晒出嚟,我仲被邀請上台參與其中一小部份添~可惜劇場唔准影相,其實又係好o既,如果你又影我又影,大家都唔專心睇演出了,為咗紀念呢個咁正o既show,我哋買咗隻杯留念~買飛好方便o架咋,可以上網click click click,付埋款,到時帶埋print out o既confirmation去到劇場就ok了~

出到嚟我哋再搵地方食個正式o既晚飯,我哋食咗炸醬面同埋餃子,味道就一般正常啦,坐得都幾舒服~

睇埋街頭表演至返酒店休息~待續前往其他韓國旅遊blog

Comments

comments

4 關於 “12-4-2012:首爾濟洲櫻花遊day 5.Heyri Artvalley.Nanta” 的評論

  1. 我無睇過花樣男子,所以無熟悉既感覺~
    你地下次去首爾係咪要參考《跟著RUNNING MAN遊首爾》?
    下次去韓國我都要睇亂打SHOW~
    你幾時食左唔正式既晚餐?
    [版主回覆01/10/2013 17:16:15]day都話下次去韓國要跟住running man的地點去﹗我心目中都有好幾個想去的目的地﹗﹗
    亂打show真係好正,10個推介~
    咁樣講係因為我哋其實係睇show之前係街邊食過啲小食,不過我冇係度講,唔小心係後面o既描述露出漏洞…

  2. 最odd 是食食下野訓覺…訓左成半個鐘
    [版主回覆01/13/2013 20:21:16]所以下次唔敢(唔飲啡)了~

  3. 請問你係咪係合井站再搭2200既巴士呀? 係咪一出2號出口就係巴士站? 因為我都想去坡州! 我想問2200巴士班次密唔密? 網上有冇班次可以CHECK架? 落車同上車個地點一唔一樣? 同埋架車係咪可以紙幣找續架? 我都好驚搭過龍><
    [版主回覆01/17/2013 00:08:06]係呀,係合井站2號出口,一出去就見到了,班次我唔知喎,去程時我哋一出站就有車,回程時個站係馬路對面啫,等咗都唔算好耐,十幾分鐘都有車~
    我哋係首爾搭車都用佢哋類似八達通o既儲值咭,紙幣用唔用得我唔sure,其實張儲值咭都幾方便,地鐵巴士都搭到,可以考慮~

  4. 香港或台灣有類似Heyri Artvalley的地方嗎?看來頗吸引,這是無心插柳吧!
    [版主回覆04/16/2013 14:31:43]講無心插柳,你係指我哋o既到訪?呢個就yes,因為我本來只係想去食嗰家餐廳o既啫~
    但講呢個地方o既存在,應該唔係無心插柳,答案係no,而係非常有規劃的一個區~

發表迴響

你的電子郵件位址並不會被公開。 必要欄位標記為 *