由植物園嗰邊離園，要搵番另一個入口可以去到坐船仔o既地方真係唔容易呀，因為地方實在太大﹗又冇公車來往幾個入口嘛，結果我哋都係搭咗的士，唔好話做乜咁誇張呀，架的士都跳標跳咗好幾次呢~去到呢個入口時己經餓得不得了…好在係坐船仔o既地方有嘢食賣啫~

係一個室外o既「美食廣場」，一個個檔口仔賣唔同o既熟食、小食、冰品、飲品…我哋叫咗一份雲吞、一份刀削麵，兩樣都係人手製作o架，看檔o既大嬸就係度包雲吞同埋打麵條喇，兩樣味道都唔錯，不過細碗咗少少，結果…heehee…食多個雪條至夠飽呀~(我都分唔到自己係未夠飽定為食lu…)

食嘢o既位置就係坐船仔o既大站，有兩種選擇，分別係電瓶船同埋搖櫓船，其實係見電瓶船平啲所以揀咗，電瓶船每位RMB 60，可以坐足一個圈，但搖櫓船就按時計囉，好似係RMB 100一個鐘/船，其實計番起上嚟都未必真係貴啲，因為電瓶船啲班次不定時，所以你停咗係一個景點，行完之後，可能要等好耐先上得番船，反而仲浪費時間~不過好似都唔係好覺有人坐搖櫓船呢~

出發囉~景色方面，其實變化不大，都係縱橫交錯o既水道，兩旁有一個個o既小島(?)，day都覺得好奇怪，點解冇乜動物o既呢？遊船上面o既廣播話有幾多幾多款魚，幾多幾多種鳥，但又唔係好覺眼喎，莫非因為啲水唔係太清澈所以見唔到佢哋？

總共好似有四、五個stop，你可以選擇落船或者唔落都得，我哋就「睇餸食飯」囉，開頭就個個都落，但後來見勢色唔對就揀嚟落lu~

西溪濕地因為非誠勿擾呢套戲而變得出名起嚟，其實我哋兩個都冇睇過套戲，本身想買嚟睇咗先出發，但適逢啱啱戲院播非誠勿擾2，所以啲第一集o既vcd都賣斷晒市咯~想預習都冇機會呢~

啲船仔就係咁o既樣喇，外型同西湖o既遊覽船有幾分相似~

如果可以上岸慢慢自己逛下都幾寫意o既~可惜我哋o既時間有限啦~

都逗留到差唔多西溪濕地關門我哋至走呀~出去揀巴士嚟搭都有少少苦惱，因為我哋認識杭州o既地方唔多，有啲出名少少o既landmark就有啲印象，見到呢架巴士去「武林小廣場」，咦，好似武林廣場同杭州大廈呢個巨型shopping mall好近o架喎，不如試下坐啦，出番去市區再算啦~

好在都順利，我哋落車o既位置就好近杭州大廈了﹗根據地圖，武林廣場應該係真係一個真o既廣場(即有大o既戶外area)，既然未係太餓，不如去睇下個廣場啦…跟住地圖去搵呀搵，呢條街係呢條街，嗰條街係嗰條街，搵嚟搵去都搵唔到…

結論係…呢個地盤就係武林廣場了﹗應該又係起地鐵o既原因吧~周圍啲嘢都唔見晒咯~兜兜轉轉…ok，我哋去食飯吧﹗

杭州大廈係一個巨型o既shopping mall，有A、B、C、D四楝大樓，食肆反而比例上又唔係太多喎，但分得好散，係冇idea o既情況之下，我決定去問下customer service，佢哋講俾我聽啲餐廳o既檔次，比較平民化o既幾間之中，我決定去「第二樂章」了，原來佢係「外婆家」o既平民化line嚟o架~「外婆家」係杭州應該幾出名，周圍都見到有，而之前買嗰本mook出o既遊記式旅遊書入面，作者都有介紹過~

果然因為平民化，要大排長龍，細枱都要要等十幾張枱呢，好在有iphone俾我篤篤篤~我哋係同層o既supermarket行一圈之後就各自各咁專心篤住等位囉…呵呵~

睇一睇個餐牌真係嚇死人﹗平到嚇死人﹗你哋都見到啦，入面裝修都幾舒適，係走時尚style的，都好新淨好靚，但食物嘛…勁平丫﹗我哋忍唔住怒叫~我眼前o既係素餓(RMB 8)、醋醬茄子(RMB 6)、黑椒牛仔骨炒年糕(RMB 8)，其餘o既算貴啦小籠包同埋個油條豆漿湯好似要RMB 15同RMB 18(左右啦，唔係好記得)？最貴就係個酸梅湯了，1L要RMB 18﹗大家去杭州一定要去食呀~樣樣都好味(除咗個小籠包之外，個小籠包似係啲急凍再翻熱嗰啲味道~)~但食飽咗之後發現越嚟越飽，我覺得啲油條係個胃入面膨脹…

食飽飽，逛逛街~

但杭州大廈o既鋪頭一啲都唔平易近人呢，冇一間係可以隨便入去買衫的~最接近平時買o既價位o既鋪頭，可能就係大家熟悉o既運動牌子了，adidas呀nike嗰啲，但比起香港都貴丫嘛~

不過入面裝潢都好靚，欣賞下都好~但究竟呢個商場係點樣維持經營落去o既呢？見到逛街o既人都唔多，買嘢o既人就更少喇~奇怪奇怪~但食肆就好多人囉~

見到一張每個小女孩o既「dream床」丫﹗合乎所有小女孩o既期望~滑梯、帳幕、上隔床、私密空間、粉紅色~嘩~

外面有個孖人牌剪刀o既展覽呢，但我哋走時都關門咯~

諗住，九點鐘走，返到去酒店都好早啫~但人算不如天算，我哋再次被杭州糟糕o既交通擺咗一道﹗諗住搭的士啦，哎吔吔，點解全部的士都有乘客搭緊o架，行前少少截都一樣，換個位置截又一樣，day propose去酒店度截，應該有人會搭的士返酒店，咁咪應該有吉車囉，但又冇人坐車去酒店喎，我propose一直向北行(我哋間酒店係北邊)，行到就行返去，行唔到見到有車就坐，但又發覺距離真係太遠…期間有啲電動車、白牌車向我哋招手，我哋又唔敢搭喎，不明來歷，想搭巴士嘛，有機會經過的又已經開出咗尾班車，其他又唔啱路線喎…哎吔吔哎吔吔~

結果截咗一個鐘﹗終於上到車~但仲要塞下車先返到去~我o既結論係，點解會截到車呢，因為己經「曲終人散」了，要返屋企o既杭州人都上到車，最後淨番我哋，咁我哋截車差o既咪都上到囉…

返到去，攰得不得了…oh no no~

待續

前往其他中國旅遊blog

Comments

comments